› 選擇地區
三藩市
紐約
洛杉磯
其他美國地區
香港 台灣 北美
 
2007年04月20日

嬌嬌女歌后論樂壇
劉鳳屏彈側田、王菀之樣唔掂

劉鳳屏雖然離開樂壇多年,但舉手投足,仍然充滿星味。

近年香港樂壇掀起一股懷舊熱潮,就連七十年代有「嬌嬌女」之稱的劉鳳屏也來湊熱鬧,入行多年後將於本月28日首踏紅館舞台。她在鏡頭前有如上了摩打一樣,頻頻擺甫士大騷S身形,始終薑是越老越辣,時下歌手應該向前輩學習甚麼叫專業。

七十年代歌后劉鳳屏將於本月28日首登紅館舞台,舉行《濃情相聚演唱會》,她自1988年結婚後已移居溫哥華,除做全職主婦外還不忘培育新一代教唱歌,鍾嘉欣也是她的門生之一。

「新歌手欠聲色藝」

對於新一代歌手成名容易歌藝卻欠奉,劉鳳屏不無感慨,她說:「佢哋始終冇見過世面同受過磨練,真正技巧都未有,雖然我哋以前成名就慢啲,但係我哋始終有十八般武藝。其實做歌手一定要聲色藝俱全,缺一不可,但係有啲真係冇色,好似側田都唔錯,但……王菀之都唱得好,不過個樣就怪啲。」
劉鳳屏可說是天生藝人,她喜歡唱歌,面對鏡頭充份發揮其藝人本色,不忘在鏡頭前大擺甫士,還笑言自己最愛拍照。至於她十年如一日的身形,她即自豪說:「我個shape幾好,腳長腰短,條腰到𠵱家都係25吋,就連20幾年前嘅衫我都着到,自己冇刻意減肥,可能唱得歌多要用氣,所以先keep得到。」

遭狂迷苦等六年

當年劉鳳屏一晚要走幾場歌廳、夜總會獻唱,她憶述當年有一個癡心男歌迷晚晚都拿了一束玫瑰花捧場,足足等了她六年之久,她說:「佢一坐就幾個鐘,但係就唔會同我講嘢,只係望住我,又會隔兩、三日就寫封信畀我,當正我係佢老婆一樣,自己每次見到佢都即刻走人,因為驚佢發起癲上嚟唔知做乜。就好似劉德華𠵱家個狂迷咁,所以我都話如果遇到呢啲歌迷,真係唔好理佢,唔係一陣佢以為你默認咗㖭。」
採訪:駱華齡
攝影:陳慧安
場地提供:皇室堡加州紅

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2020 AD Internet Limited. All rights reserved. 版權所有 不得轉載