蘋果日報 | APPLE DAILY
› 選擇地區
三藩市
紐約
洛杉磯
其他美國地區
2007年05月28日

娛樂怪史:劉錦玲哭訴被摸胸

劉錦玲當年提到被揩油事件,即委屈淚灑當場。

時間:l02年4月

地點:無綫劇集《絕世好爸》

人物:劉錦玲、李子奇

經過:劉錦玲由亞視過檔無綫後,02年有份演劇集《絕世好爸》,佢同李子奇有一場戲講佢哋分手,拍攝拉拉扯扯嘅場面時,劉錦玲投訴俾李子奇「鹹豬手」,並力斥對方隻手不慎觸碰到佢嘅胸部。
劉錦玲事後提起件事喊晒話:「其實當日係佢(李子奇)激動咋,我當時係同佢講唔好意思,你係咪錯手掂到我,我由始至終冇話佢博懵,佢就係咁鬧我,我係女仔嚟㗎。」發生呢件事後,仲有一場李子奇掟劉錦玲落梳化嘅對手戲,劉錦玲話:「佢比我預期中大力,可能佢入戲。」
當劉錦玲一輪哭訴後,大家以為事件告一段落,點知當佢同李子奇趕拍劇集《帝女花》喺化妝間碰頭,雖然已經刻意保持距離,記者要求佢哋合照,劉錦玲拒絕:「唔好啩,我想低調處理。」李子奇則否認自己有「鹹豬手」,佢話:「我覺得對方係想有新聞先咁講,喺咁多人面前我點會咁做,除非我係大衞高柏飛啦。」
近年劉錦玲開始明白花無百日紅嘅道理,為咗前途,佢兼做保險經紀,已經減少好多幕前演出。

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2018 AD Internet Limited. All rights reserved. 版權所有 不得轉載