› 選擇地區
三藩市
紐約
洛杉磯
其他美國地區
香港 台灣 北美
 
2007年08月17日

黃日華爆五虎秘聞
偉仔拒做《兄弟》華仔唔開心

左起:四虎劉德華、苗僑偉、湯鎮業及黃日華相隔16年再聚首一堂拍《兄弟》,對於獨欠梁朝偉,劉德華不作回應。

四虎主演的《兄弟》昨日舉行記者會,出品人兼演員劉德華對記者提問有關五虎將中獨欠偉仔的問題明顯迴避,不禁令人懷疑五虎不和,不過黃日華卻踢爆偉仔因檔期問題而未能演出,原來華仔就因怕傳聞滿天飛才避而不談。

由四虎黃日華、苗僑偉、湯鎮業及劉德華加陳奕迅、黃奕等演出的《兄弟》昨日於黃埔一酒店舉行記者會,除香港傳媒外,大會並邀請半百國內傳媒來港採訪,令會場擠得水洩不通。

提太太監場尷尬

一眾演員先於台上接受訪問,其間苗僑偉(三哥)被華仔踢爆,與女主角黃奕同場的場口,太太戚美珍都有監場,後來又戲言指下集電影要取名《夫婦》,令三哥十分尷尬,三哥即時作出反擊,以歌神來形容陳奕迅,反而以歌手形容華仔,華仔聞言即扮嬲說:「歌神?歌手?」三哥亦即笑着回應:「你呢個歌手好特別,永遠都係最受歡迎嗰個。」
之後一眾演員分批接受訪問,華仔被問到五虎缺一會否失望時說:「既然已經用咗呢班演員,我哋就唔好圍繞呢個話題啦,我當然希望五個人再一齊合作,不過其實我哋今次兄弟班都拍得好開心。」有記者追問會否邀請偉仔出席首映時,華仔說:「我一向都好少自己決定請邊個去睇首映,呢啲等我公司同事安排。」

唔講因怕被亂寫

這邊廂華仔不肯回應,豈料另一個華仔(黃日華)當被問到偉仔沒有接拍《兄弟》是否純粹是檔期問題時,他則回答說:「今次係因為時間上配合唔到,如果偉仔都可以一齊做,咁火花一定會更加大啦!我哋16年未合作過喇,今次亦都唔係因片酬問題,我哋個個唔收錢畀晒佢都得,華仔唔講,係因為怕俾人亂寫亂傳,外人唔知實際原因會亂講,其實華仔私底下都好唔開心。」
採訪:藍文浩 攝影:葉君海

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載