蘋果日報 | APPLE DAILY
› 選擇地區
三藩市
紐約
洛杉磯
其他美國地區
2007年08月17日
馬上成為壹會員

緋聞是非殺埋身
衛蘭:唔會唔生性

獲高層傍實的衞蘭近日負面新聞纏身,她謂老闆黎明已致電慰問她。

衞蘭(Janice)近日是非多多,最新緋聞是指她包養前女助手,獲高層傍實的Janice前晚否認前女助手住在其家,但聲言會繼續與之來往,其唱片公司高層王凱文竟忽然表示另一本雜誌的報道與事實不符,衞蘭更附和高層,表示「一定唔會唔生性」。

衞蘭前晚與容祖兒及古巨基等於將軍澳電視城錄影《勁歌金曲》,Janice近日是非纏身,有報道指她被前女助手教壞,二人更是關係密切,Janice接對方回家住後,行為變得古怪,又指其前助手為衞蘭姊妹於背上刻上愛的紋身。

繼續約女助手

Janice前晚否認前女助手住在其家,她說:「大家一場同事,我冇幫過佢啲乜,佢好叻,唔使我幫手。我同佢依然係好朋友,雖然唔一齊做嘢,但唔代表做唔成朋友。」Janice表示放假依然會約前女助手去玩,她說:「又唔係乜錯事,公司唔介意。」她又謂對方的「JTJ」紋身不是代表她,她說:「我知佢有紋身,佢話靚先紋,個設計冇得解釋嘅。」至於有指前助手離間她與朋友的感情,Janice說:「佢都係保護我哋,怕我哋受傷害。」當被問到是否常躲在廁所時,Janice表示到廁所只會戴隱形眼鏡及小便。

忽提另一雜誌

此時,其所屬AMusic高層王凱文竟突然表示,另一本雜誌的報道與事實不符,事情已交律師處理,並謂:「Janice唔會唔生性。」Janice也附和:「我一定唔會唔生性。」二人似乎對另一雜誌的報道對號入座。
此外,Janice昨日與何韻詩到澳門出席《東亞唱片澳門新星選拔大賽》記者會,該賽事於11月舉行,昨日記者會上貼上表演嘉賓的海報,除有Janice及阿詩外,還有楊千嬅、許志安及劉浩龍,偏偏沒有鄭秀文,郭啓華解釋說:「嗰啲係表演嘉賓,衞詩同應昌佑都冇,Sammi到時做緊巡迴演唱會,上海係第一場,佢10月打後啲期滿晒,嚟緊仲會拍戲。」
採訪:王崇穎
攝影:林德雄

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載