蘋果日報 | APPLE DAILY
› 選擇地區
三藩市
紐約
洛杉磯
其他美國地區
2007年08月28日
馬上成為壹會員

約會斷正冇所謂
袁偉豪、周美欣排舞撻着

袁偉豪自言當日除了周美欣外,周家蔚(右)也有齊齊食消夜。

香港先生袁偉豪和一班無綫男女藝員,昨日出發到湖南拍攝《舞動奇跡》。他對於港姐季軍周美欣勁冧自己,表示兩人排舞認識,只不過是一起食消夜,問緋聞多多的袁偉豪會否考慮避女色時,他直言冇得避。

郭羨妮、曹敏莉、陳敏之、周家蔚、謝天華、吳家樂、黃長興及袁偉豪等,昨日於香港國際機場出發到湖南,錄影《舞動奇跡》,吸引不少fans到場爭相拍照。謝天華扶着爬山杖到場,原來由於近日不停練舞,令他傷及膝蓋舊患,他說:「膝頭呢排負荷太重,都唔係好嚴重,只不過費事更加傷,撐一撐住。」

周家蔚喊無辜

香港先生袁偉豪對於日前被本報拍得夥拍胡志偉與幾位應屆港姐周美欣及王君馨結伴於中環食消夜,現場見周美欣更對他十分有好感,反而對大獻殷勤的胡志偉有點避忌,袁偉豪說:「大家只係去食消夜,同周美欣都唔係識咗好耐,之前因為成日一齊排舞先識。」由於緋聞不斷故問到會否避忌女色時,他說:「冇乜避唔避忌,冇乜問題,大家都只係去食消夜。」

郭羨妮忘大宇

上屆港姐亞軍周家蔚日前參加比堅尼派對,更公然與男伴激情狂咀,昨日周家蔚即大呼寃枉說:「嗰個係我男朋友,不過冇辦法喇,我當時都唔知有記者,總之以後都會小心啲。」
此外,郭羨妮被問到可有送生日禮物予過氣緋聞男友陶大宇時,她說:「我都知佢生日,不過冇送禮物,亦冇SMS,免得過都唔會聯絡,唔好再講佢喇。」
採訪:王崇穎
攝影:仇志德

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載