› 選擇地區
三藩市
紐約
洛杉磯
其他美國地區
香港 台灣 北美
 
2007年08月28日

被屈強姦 見過鬼怕黑
高皓正、任港秀有愛冇性

高皓正早前擔任美容按摩模特兒,樣子梳乎,談到緋聞女友任港秀,他卻支吾以對不置可否。

29歲的高皓正繼月前被撞破跟任港秀穿情侶裝睇波後,近日又自爆22歲時曾涉嫌強姦,原來他年前還參加了一項「貞潔行動」,響應不會發生婚前性行為,換言之他跟任港秀豈非有愛冇性?

高皓正早前被撞破跟任港秀到大球場欣賞利物浦對南華的賽事,當天他們穿上情侶裝,加上他無奈苦笑的表情,兩人的關係似乎非比尋常。至日前,高皓正在一個教會講座上自爆22歲那年曾被控強姦,指當年與女友發生關係後,被女友新歡拳打腳踢,自己報警求助,但卻被對方控告強姦,案件擾攘半年他才被撤銷控罪,連串事件,令高皓正一下子聲名大噪。

相處加深了解

早前高皓正為一間美容院擔任按摩模特兒時,對於他跟任港秀的戀情不置可否,他說:「其實當日同好多朋友一齊睇,大家識咗一段時間,同一個教會,佢都已經唔喺呢個圈,所以唔想俾人影。」高皓正不想承認任港秀的女友身份,被問到任港秀是不是他的女朋友時,他支吾以對說:「將來冇人知,人大咗唔會咁容易同一個人一齊,係要清楚了解同相處先可以知道。」

「唔敢發生關係」

說到他自爆早年被屈強姦一事,高皓正強調是想警惕時下年輕人不要跌落陷阱,他說:「件事困擾咗我好耐,個個月要定期報到,搞到我唔敢亂識女仔,唔敢亂咁同人發生關係。年前美國有個叫『貞潔行動』嘅組織,係響應唔好婚前性行為,我自己都參加咗。」問他是否處男時,他笑說:「梗係唔係啦,但參加咗之後唔再有婚前性行為,同埋畀多啲年輕人知道咁做係唔好。」
採訪:卓美娟
攝影:陳俊強
場地提供:SmartForever

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載