› 選擇地區
三藩市
紐約
洛杉磯
其他美國地區
香港 台灣 北美
 
2007年10月07日

明美連伴父母度難關

明美連拖住大病初癒的母親明李祝齡到場。

近期夫婦同心抗癌的馬主明嘉福,自己血癌好轉後,前晚由幼子明德豐陪同去飲李兆基抱孫喜宴,而他太太李祝齡昨日就由長女明美連陪伴在中環出席MTM護膚品茶敍散心。明太年初直認患上乳癌,治療期間又發現腋下有腫瘤,要再做手術,昨日見她胸前左右不平,右胸位扁平,相信已割去右乳,她仍然戴上帽子,但已長回頭髮。
明太說:「𠵱家好番好多,一個星期去醫院兩次,暫時唔可以做運動。之前做咗兩次手術,對上一次係六個星期前做。」她又謂現時休養中,不需再做電療或化療,但甚少外出,故缺席發實宴。

「最差嘅已經過去」

明美連對父母同時面對癌病,昨日說:「最差嘅已經過咗去!𠵱家好好多,個個星期都陪屋企人打牌、食飯,我都會幫父母祈禱,好彩佢哋好堅強,𠵱家唔係太瘦,面色又幾好,可能以前一直有進補,所以對啲西藥反應都幾好。」她又謂自己現時會年年檢查。
此外,翁嘉穗、郭秀雲、楊洛婷等也有出席,郭秀雲也指自己身體欠佳,她說:「呢排好黑,之前感冒,聲沙晒,錄唔到12月趕出嘅碟,前幾日做啲手作仔時,又俾嘅膠彈到眼,整傷左眼眼球。」
採訪:JessicaNgan
攝影:ChenWaiOn

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載