› 選擇地區
三藩市
紐約
洛杉磯
其他美國地區
香港 台灣 北美
 
2007年10月23日

馮仁昭四圍超:森美搞鬼鄭融扯甩褲 - 馮仁昭

(左起)唐詩詠、鄭融同楊思琦等玩拉橡筋嗰陣,一開始鄭融已經覺得條褲甩甩哋,猛咁用手抽住褲頭。

由森美同吳日言主持嘅無綫遊戲節目《開森玩家》,噚日喺將軍澳電視廣播城錄影,楊思琦、鄭融、唐詩詠、小儀同許紹雄等擔任嘉賓,由於適逢萬聖節,所以噚日個個人都以鬼怪造型出現。

楊思琦勇戰受傷

眾嘉賓玩遊戲環節時都搏晒命,小儀玩「蒙面呃人」嘅環節,先後三次抽中被人仆儍瓜,雖然唔係俾人用棍仆,但係用剃鬚膏捽都幾慘,整到佢成面同鼻窿都入晒剃鬚膏,不過佢都玩番許紹雄冇蝕底。而楊思琦應該係最黑仔嗰個,喺玩拉橡筋時,就成個跌落地,之後仲俾許紹雄失平衡又成個人壓喺佢個頭度,令佢整傷隻手,而喺玩「開心滑啫啫」中又連人帶水泡成個人跌落水池,成身濕透,問到佢覺唔覺自己黑仔時,佢話:「我又唔係好介意,不過都好好玩而且又有獎品。」雖然,鄭融玩拉橡筋跌低冇受傷,不過佢就甩褲露股罅,儀態盡失咯!

無綫收視大跌市

此外,森美演出嘅無綫節目《森之愛情》,上個禮拜收視大跌,平均收視只得15點(即97萬人次收看),下跌4點,約流失26萬觀眾,希望今次森美做番拿手嘅主持,唔會再失威。至於台慶劇《奸人堅》同《通天幹探》都跌咗,大家都只得27點(即175萬人次收看)收視,真係失威。

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載