› 選擇地區
三藩市
紐約
洛杉磯
其他美國地區
香港 台灣 北美
 
2007年10月23日

大讚澳門 籲香港加油
任達華促開賭場救天水圍

任達華在澳門主持餐廳開幕,與兩位紅色小丑扮相的表演者合照。

任達華一向關注民生社會,他前晚在澳門出席餐廳開幕時,指留意到近期天水圍困局,及港澳兩地競爭力差距收窄,他提議政府開放賭業,在元朗或大嶼山等鄰近天水圍的地區開賭場,為天水圍地區創造新就業機會。 澳門直擊

天水圍近日再發生倫常慘劇,引來全港市民關心,早前周潤發公開呼籲將天水圍改名轉運,而一向對民生和政治均有立場的任達華,前晚在澳門出席SKY21Bar開幕時,也為天水圍困局想辦法。

揀大嶼山元朗

任達華說:「澳門地方好舒服,好快就超越香港,香港真係要加一把勁。據我知,內地自由行可以由香港過澳門玩,但就唔可以由澳門去香港,咁係唔啱,香港政府必須改變呢個現象,咁先公平同有競爭力。其實我贊成香港搞賭場,尤其可以揀大嶼山同元朗搞,因為天水圍太多人迫埋一齊,又冇工做,喺呢啲地區開發賭場,可以創造就業機會。」
今個月經常四圍飛的任達華,剛在北京影相後,再飛到黑龍江佳木斯剪綵,回港後又要去馬來西亞工作,他說:「成個10月只得4日喺香港,我覺得好對個女同太太唔住,成日見唔到佢哋。」他謂很期待稍後一家人的familytrip,他說:「我哋去維也納當年結婚嗰度,慶祝結婚周年紀念,今次仲帶埋囡囡、外母一齊去,過埋聖誕節。」

擁有快樂家庭

問任達華與外母、工人同行,豈非沒得二人世界?他說:「唔緊要,我哋係happyfamily,同埋我同琦琦無論結婚幾多年,永遠都係慶祝結婚一周年紀念。」
採訪:MaggieLaw
攝影:ChanShunChing

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載