› 選擇地區
三藩市
紐約
洛杉磯
其他美國地區
香港 台灣 北美
 
2007年12月10日

誤傳死訊 天明嚇破膽
馮仁昭四圍超--洪金寶:我仲生存緊! - 馮仁昭

洪金寶回應噚日嘅報道時聲如洪鐘咁話:「我冇事,喺山東拍緊劇。」 資料圖片

新華社旗下嘅《現代快報》噚日刊登咗一段有關洪金寶嘅消息,標題係「功夫巨星洪金寶據傳去世」,聲稱洪金寶前晚突然去世,又言之鑿鑿咁話有關洪金寶嘅死訊係由香港英皇一位高層口中得以證實,搞到全世界都信以為真。

「電話冇停過」

馮仁昭噚日打電話畀洪金寶,仲未開口講乜嘢事,佢已經搶先講:「我冇事,仲生存緊!」馮仁昭問佢會唔會向誤報佢死訊嘅報章追究到底,洪金寶就話:「睇吓點啦!我𠵱家喺山東拍緊嘢(電視劇《少林僧兵》)。」
為咗嗰份報章不負責任嘅報道,洪金寶同佢個仔洪天明全日不停接電話,而天明噚日同馮仁昭講,前一晚范振鋒聽到呢個消息之後打電話向佢求證嘅時候,嚇到佢死死吓,天明話:「我噚晚啱啱喺湖南返嚟,聽到呢個消息梗係好擔心啦,即刻打畀老竇,佢啱啱瞓咗,知道佢冇事都放心!由噚晚到𠵱家,全世界嘅人都打電話畀我,啲電話冇停過,我初時仲以為啲人玩,但追唔追究份報紙,都係等老竇決定。」

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載