蘋果日報 | APPLE DAILY
› 選擇地區
三藩市
紐約
洛杉磯
其他美國地區
2008年02月10日
馬上成為壹會員

慈善騷淚眼訴衷情
陳慧嫻:求田北辰嚟睇我

慧嫻近日沒拖拍,在個唱中自稱傾慕田北辰(小圖),又貪玩要鄭中基揹着她唱歌,看來慧嫻真的很渴男色。

陳慧嫻自與醫生男友謝國麟分手後,變成等愛的女人,她前晚舉行慈善演唱會,自爆很喜歡靚仔的田北辰,更謂:「求下佢嚟睇我演唱會,還我心願啦。」慧嫻又謂自己的左手很軟弱,希望快點有男人來拖其左手,讓她得到安全感,說得幾乎哭了出來,相當傷感。

陳慧嫻一連兩場的「陳慧嫻活出生命IILive演唱會2008」前晚大年初二於九展StarHall揭開序幕,入座率七成,觀眾以中年人士居多,慧嫻整晚換了三套衫,除了區丁玉外,其餘舊男友全部未見蹤影。慧嫻與醫生男友謝國麟分手後,感情一直交白卷,她前晚表示希望快點有男友拖着她的左手,她更公開大讚57歲的田北辰靚仔,希望田能到場欣賞其個唱。

「左手好空虛」

當慧嫻唱《喝采》時,自爆陳百強是其第一位男性偶像,她當年讀書時要所有追她的男仔都作陳百強的打扮,可惜入行後一個隸屬寶麗金,一個隸屬華納,沒有機會合作,慧嫻說:「我好遺憾冇同佢講話我好鍾意佢,同埋嗰陣林珊珊霸住佢呢。」
後來螢光幕播出田北辰的照片,慧嫻大讚他靚仔,她說:「佢係繼Danny(陳百強)之後我嘅偶像,Danny老咗都係咁嘅樣㗎咋,兩個都係少爺,都唔受得氣,佢真係好有男人味,我媽咪成日喺銅鑼灣撞見佢飲咖啡,有冇人可以攞兩張飛請佢嚟,求下佢嚟睇我演唱會,還我心願啦。」
林夕填詞,張國榮的《左右手》一直被指內容表白同性戀的心情,但慧嫻卻有另一詮釋,她說:「首歌好啱我,應該屬於我,我乜都用右手,好強好有力,但左手好軟,要人拖住先得,所以我會企喺男朋友嘅右邊,等佢拖住我左手,令我覺得安全同有力量,過馬路時好危險、好困難,要人拖住我左手,𠵱家冇人拖,我左手好空虛,希望快啲有男士出嚟拖我左手。」慧嫻越說眼眶越紅,幾乎哭了出來,認真我見猶憐。
慧嫻又表示要唱三首歌給三位男士,分別是《Closetoyou》、《相識非偶然》及《默契》,她說:「三個我愛嘅男人,一個係好耐好耐之前嘅男朋友,另外兩個講你哋都唔識。」

興奮騎鄭中基

慧嫻謂入行後有很多朋友,譚詠麟、張學友及李克勤等都幫她很多,而鄭中基(Ronald)前晚更到場擔任嘉賓,二人合唱《一對寂寞的心》,Ronald稱慧嫻為家姐,慧嫻興奮更騎在Ronald身上讓他揹着唱歌,十分搞笑。慧嫻問道:「你有冇帶半箱紅酒嚟。」Ronald笑謂:「頭先見到田北辰同佢飲晒。」
採訪:吳佩思
攝影:陳順禎

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載