蘋果日報 | APPLE DAILY
› 選擇地區
三藩市
紐約
洛杉磯
其他美國地區
2008年02月11日
馬上成為壹會員

女怕移花接木 男徹夜上網
陳慧嫻、蔡一傑齊玩弦外之音

獲舊男友區丁玉(右二)及爸爸(左)捧場,陳慧嫻不禁喜上眉梢。

陳慧嫻寂寞難耐,求愛心切,在演唱會上誠徵能做其左手的男朋友,擔任嘉賓的蔡一傑毛遂自薦,並當場跪地送花兼獻吻,可惜卻食檸檬。台上蔡一傑自言近日頻上網,他強調並非搵陳先生的相,而目標是另有其人。

為糖尿病兒童籌款的《陳慧嫻活出生命IILIVE演唱會2008》,前晚在九展舉行尾場,入座率八成,慧嫻的父母及前度男友區丁玉也有來捧場,當晚嘉賓則是蔡一傑。

未夠班拖手合唱

席間慧嫻唱《左右手》時,她自言喜用左手拍拖,可惜現在沒有人拖,故寂寞的她望找個能拖手的男友,令到嘉賓蔡一傑即場向她求愛。他們合唱時邊拖手邊咀咀,蔡一傑更跪地送上鮮花,不過慧嫻笑說:「你好似唔拖得我隻手喎!」擺明有弦外之音,蔡一傑惟有笑說:「咁一晚咁多囉!」
慧嫻說有相士指她今年會出現真命天子,兩人並在03至07年已經認識,不過慧嫻笑說:「咁一定唔係田北辰,因為我都未識佢。」事後有記者問慧嫻為何拒絕傑仔拖手?她還未開口解釋,在旁的傑仔即打圓場說:「我未夠班囉!」慧嫻回應是傑仔跳舞太叻,她不能日日跟住他跳舞。

收大柑盼望升Cup

另外,在台下有位fans送上一個收音機,慧嫻感動地說,她講過家中沒有收音機,想不到fans如此有心,另外有位fans送上一對大柑,慧嫻接過大柑後放在胸前並打趣的說:「如果我整到咁都幾好喎!」
待演唱會完畢後,陳慧嫻與蔡一傑在後台接受訪問,傑仔自言前一晚不停上網,他說:「我上網唔係搵陳生啲相,我係搵陳慧嫻演唱會嘅靚相,因為做嘉賓要配襯吓啲衫。」在旁的慧嫻笑說:「雖然我係靚女,不過唔好將我移花接木呀!」
採訪:馬華
攝影:陳俊強

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載