蘋果日報 | APPLE DAILY
› 選擇地區
三藩市
紐約
洛杉磯
其他美國地區
2008年02月29日

鄭中基、梁漢文醉街拍檔戰戰兢兢配港樂

鄭中基(左)和梁漢文都曾因醉酒而失禮人前,堪稱「醉街拍檔」。

鄭中基和梁漢文在下月會與港樂合作,在紅館舉行演唱會,二人均表示雖然非常有默契,不過仍然有點緊張,因為與港樂合作,所以不容有失。二人有不少相同之處,不過最為相似莫過於都曾因醉酒出過醜,堪稱「醉街拍檔」。

鄭中基(Ronald)和梁漢文(Edmond)同屬一間唱片公司,合作過主持遊戲節目,試過為對方演唱會擔任嘉賓,登台時又合作無間,非常有默契。

出醜人前

除了以上原因外,二人都有一個共通點,都試過飲醉酒鬧事,Ronald00年曾醉酒大鬧飛機艙,Edmond就每次酒醉都做出怪異行徑,上周被拍到出席完方力申生日會後,離開時醉倒跌在垃圾堆旁,記者取笑二人是「醉街拍檔」,Ronald即笑說:「咦,以前阿倫(譚詠麟)同梁朝偉都有套戲叫《最佳拍檔之醉街拍檔》喎,咁我做阿倫,搞笑啲,帶畀人歡樂嘛。」Edmond就不知如何是好,只說:「嘩,都唔知講咩,我做梁朝偉好大壓力喎。」
Ronald一顯其風趣本色,指Edmond每次醉都是只懂儍笑,他說:「都冇乜嘢啫,都係戥人開心,我嗰日(方力申生日)發燒,所以冇去,如果我去咗,可能都會好似佢咁。」Edmond解釋:「其實我都唔記得我跌低落垃圾堆,一啲記憶都冇,嗰日都係開心過頭,飲醉咗,以後希望做到適可而止。以前飲醉酒俾人影完都會有人笑,我都覺得好慘。」問他是否最近喜事重重,除了開演唱會外,又快將結婚,所以特別高興?Edmond說:「其實我一向都好坦白,不過結婚嘅事我想留番啲秘密。」

戥Twins慘

二人對於今次的演唱會都非常緊張,始終於港樂合作有別於平時的演唱會,Ronald最近更不慎病倒,Ronald說:「可能真係凍得太耐,希望快啲好番,雖然我同Edmond都有默契,不過唔係pop演唱會,唔可以唱錯,所以要練得好熟。」Edmond都有此同感,因為二人都是第一次與港樂合作,可說是不容有失。
此外,對於緋聞女友蔡卓妍拍檔鍾欣桐(阿嬌)的慾照事件,Ronald說:「我都有SMS畀佢,佢哋兩個都有好大壓力,一出嚟做嘢就有咁多投訴,畀我都覺得大壓力啦。」
採訪:胡比 攝影:仇志德
化妝:YenLai 場地:Spasso
髮型:HoraceofChinG(鄭)、MoeofChinG(梁)
服裝:HystericGlamourbySistyrMoon(鄭)、Diesel(梁)

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載