› 選擇地區
三藩市
紐約
洛杉磯
其他美國地區
香港 台灣 北美
 
2008年06月06日

獲贈$5,000瘦身券得啖笑
3號張舒雅成棚骨纖體絕緣

一眾港姐昨日出席活動,並獲贈5,000元瘦身禮券。

十二位準港姐自從於加勒比海拍外景後明顯清減不少,其中3號張舒雅原本已是高瘦身形,但回港後更見纖瘦,不過她堅稱飲食均衡,且未有減磅。至於比較重磅的10號史宛殷自言是運動型,故只需修靚身體線條就可以,不需刻意減肥。

十二位準香港小姐昨日在旺角出席纖體公司活動,大會安排眾港姐玩遊戲,更向她們送贈5,000元的瘦身禮券,當中以3號張舒雅最為消瘦,她表示沒有刻意減磅,且高瘦乃來自家族遺傳。問到可有想改善的部位時,她說:「我又冇話刻意想改邊部份,最重要係修靚番個線條。」

姚婷芝否認撬牆腳

眾候選港姐中,10號史宛殷較為重磅,問她如何利用5,000元修身禮券?她說:「我覺得修番靚啲線條就OK,因為我係運動型,又喺外國返嚟,所以會比其他佳麗健康啲。大家各有各好,我比較健康,其他佳麗就比較甜同斯文,所以我覺得冇乜嘢係必須減嘅,只不過我嘅肌肉重過脂肪。」
自入圍港姐後,8號姚婷芝負面新聞不絕,繼攝石佳麗及變幻球後,日前又有讀者報料指她兩年前搶走李蘢怡的前男友Chris,不過姚婷芝對此予以否認,並說:「我根本就唔識一個叫Chris嘅男仔,又冇相,我又冇做過,所以唔驚。」姚婷芝直言雖然負面新聞多,但未有影響其心情,家人也十分支持自己。
採訪:王崇穎
攝影:陳偉權

各位讀者如果認識十二位入圍港姐,知道她們的底細,歡迎電郵mailto:adent@appledaily.com報料。

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載