› 選擇地區
三藩市
紐約
洛杉磯
其他美國地區
香港 台灣 北美
 
2008年06月06日

田雞羨慕肥仔聰多女黐

肥仔聰(左)和田雞(右)在《少林少女》中,與日本女星柴崎幸合作。 劇照

田雞、林子聰在新片《少林少女》中,延續了《少林足球》鐵布三及水尚飄的角色,同樣以三師兄和六師弟的身份亮相,而且初拍日本女星柴崎幸。

雞同鴨講

日前田雞和肥仔聰在九龍灣接受訪問,大爆柴崎幸在片場內外兩個樣,田雞說:「片場見佢個樣好嚴肅冇啲笑容,食飯攞完飯盒就上車食,就算同男主角都冇乜交流,唔似我同肥仔聰會雞啄唔斷。」肥仔聰接着說:「拍完戲大家一齊去食飯,即刻變晒樣,一坐低已經話啲酒仲未嚟㗎!飲酒個款仲好豪爽㖭。」
不過比起柴崎幸,肥仔聰覺得戲中數十個穿着超迷你短裙的性感女郎更為吸引,他說:「我睇到班女仔,真係嘩一聲,導演見到我個樣咁真情流露,都話要拍埋入鏡。」田雞說:「我有太太陪去拍戲就冇行,啲女仔知道肥仔係導演,就不停派卡片,好多女仔黐住佢,不過衰在語言唔通啫!」
採訪:魯萍
攝影:仇志德

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載