蘋果日報 | APPLE DAILY
› 選擇地區
三藩市
紐約
洛杉磯
其他美國地區
2008年06月08日

天懲災民論遭圍攻
JaniceMan認衰兩番道歉

JaniceMan為四川地震上天懲罰論兩度道歉,並表示已經反省。

繼莎朗史東(SharonStone)提出四川大地震因果論後,本地𡃁模JaniceMan也語出驚人,指今次大地震是上天懲罰,結果被網友連番痛斥。她前晚在一個賑災活動上補鑊,兩番道歉,並聲稱自己表達能力欠佳才令人誤會。

周汶錡、廖碧兒、JaniceMan(文詠珊)及傅穎(Theresa)等前晚到中環出席「EVOLVEwithMSN頒獎禮派對」,眾女捐出珍藏物品及拍賣T恤,善款撥捐救災。JaniceMan早前以「上天懲罰」形容四川大地震,遭網民強烈抨擊,她前晚也收斂笑容,在拍賣T恤時現場會由嘉賓試穿,惟獨她的T恤無人試穿,她說:「因為大會只安排三人試穿T恤,我覺得冇問題。」

自認表達差

JaniceMan其後趁機會道歉,她說:「因為我嘅表達能力唔好,我衷心咁講對唔住,我會用實際行動去表達對災情嘅心意,自己嘅表達技巧唔好,又冇經驗,我會反省正視,天災冇人想發生,係令人悲傷嘅事。」問她公開道歉,是否因擔心被廣告商封殺?她說:「我日後會以行動嚟表達我對災民嘅支持,公司嘅工作安排冇受影響,我要再衷心講對唔住,今次經一事長一智,我冇喊過,不過就有唔開心,我都要學吓講嘢技巧。」
Theresa表示與JaniceMan不大相熟,但作為公眾人物要小心言行,尤其對待四川地震。至於有傳林建岳想收購金牌經理人,她說:「老闆Paco(黃柏高)話冇咁事,我梗係信老闆啦!」

周汶錡體諒

模界師姐周汶錡就認為JaniceMan是細路女,相信只是一場誤會,問她可會教師妹說話技巧,她說:「佢都認錯咯,我唔敢教佢,佢唔係有心嘅,佢嘅意思係叫大家珍惜保護地球。」此外,周汶錡前晚以代言人身份出席在銅鑼灣舉行的Bella活動,問到她與法籍男友有否結婚計劃,她說:「未有,結婚係兩個人之間協調,唔係單方面。」
採訪:駱華齡、梁錦雯
攝影:葉君海

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載