› 選擇地區
三藩市
紐約
洛杉磯
其他美國地區
香港 台灣 北美
 
2008年10月21日

甘捨名利照顧傷患弟弟
黎姿宣佈退出娛圈

黎姿昨晚含淚宣佈全面退出娛樂圈,為了照顧胞弟黎嬰甘願放棄自己的演藝事業。

黎姿近一年來為照顧在車禍中受重傷的胞弟黎嬰,公私兩忙,衣不解帶,甚至願意犧牲自己的演藝事業。昨晚她為無綫劇集《珠光寶氣》宣傳時,含淚宣佈退出娛樂圈,該劇是她最後一個劇集,之後她會專心照顧家人,以及打理胞弟的美容院生意。

現年37歲的黎姿(GiGi)是香港電影之父黎民偉的孫女,生於戲劇世家的她,一向熱愛娛樂事業,拍片無數,去年5月其胞弟黎嬰發生車禍嚴重受傷,她去年拍罷劇集《珠光寶氣》後,曾一度表示要休息一年照顧弟弟,昨晚《珠》劇首播,黎姿之前在將軍澳電視廣播城為劇集接受《東張西望》訪問時,正式宣佈退出娛樂圈。

淚盈於睫
「𠵱家已經好滿足」

昨晚節目開始前,黎姿分別與高層樂易玲及曾勵珍等不停咬耳仔,之後她接受傳媒訪問,正式宣佈會退出娛樂圈。黎姿在蔡少芬手拖手陪同下接受訪問,她說:「今日係我最後一次接受訪問,呢部戲係我喺娛樂圈最後一部戲,完咗我做番自己,幫手搞細佬啲生意同埋照顧家人。」
據悉黎姿與無綫尚有五年合約,對此她說:「無綫都唔計有冇合約,我一世都係無綫人,其實我拍呢個劇時已想過係最後一個劇,諗住拍完先講,點知細佬出咗事,所以唔方便講住,而且我有責任幫呢個戲做宣傳,我等咗好耐部戲先出街。」受訪期間,黎姿一直眼濕濕,而在旁支持她的蔡少芬也忍不住眼濕。
黎姿自言獻身娛樂圈多年,歌影視的工作也嘗試過,她說:「我又唔係要進軍荷李活,𠵱家我已經好滿足,好足夠,唔同階段做唔同嘅事,我都30幾歲就嚟40歲,10幾歲入娛樂圈,𠵱家要做其他嘢,好似要返學、照顧家人同打理細佬生意,其實呢一年我都冇停過,我已經冇遺憾,有好多人陪我一齊度過,特別係無綫、蔡少芬、邵美琪同司棋姐一直好支持我。」其後她又再次多謝無綫及傳媒多年來的照顧。
黎姿表示自己是個小女人,希望過回正常生活,又謂人生不只金錢才重要,最緊要是一家人齊齊整整才幸福。記者問她會否結婚找個男人照顧自已?她說:「父母照顧咗我咁多年,我唔使要人takecare我,我兩年前同細佬講過退出,佢即刻話好,我唔係女強人,人生唔一定喺名利上努力。」樂易玲則指無綫不會與黎姿解約,又謂她昨日才知黎姿有此決定,今日會與無綫總經理陳志雲商討如何處理。
對於黎姿退出娛樂圈,曾跟她合作的藝人莫不感到愕然和可惜,但仍支持她的決定。蔡少芬說:「我都啱啱先知,只要佢開心我就開心,我會支持佢決定。好感恩能夠同佢合作拍過兩部劇,佢唔做都唔會孤單,因為錫佢嘅人會拖佢一齊行。」與黎姿曾多次合作的陳豪說:「會支持佢決定,最緊要佢開心,黎姿係個好堅強嘅女仔,希望觀眾同朋友支持佢,希望以後佢生活開心,能夠照顧細佬係一種福氣。」

伯樂大讚
「有情有義又叻女」

李司棋則說:「頭先見黎姿喊我都嚇傻咗,佢係一個好難得嘅女仔,其實做呢行係會冇晒自己時間,佢抽唔到時間照顧細佬,咁呢個決定都係開心嘅。」另一方面,早年發掘黎姿入行的黃百鳴,昨日在電話中說:「黎姿為照顧親人而放棄自己事業,佢咁樣真係有情有義,佢咁叻女,我相信佢去到邊方面發展都會一樣出色,我祝福佢有好嘅將來。」
採訪、攝影:王崇穎、林妃

娛樂資料庫:星海浮沉23年

現年37歲的黎姿,14歲時憑電影《開心鬼放暑假》出道,04年憑《金枝慾孽》封無綫視后,告別作則是大堆頭劇集《珠光寶氣》。

1971年
生於電影世家,祖父為電影之父黎民偉,祖母為電影明星林楚楚,姑媽是演員黎萱

1984年
由許冠傑介紹到新藝城試鏡,在處女作《開心鬼放暑假》做配角

1988年
邂逅有婦之夫黃玉郎,91年分手

1989年
與許晉亨傳緋聞

1990年
簽約無綫,翌年拍攝首部劇集《怒海孤鴻》

1992年
加入樂壇,經典作為《白恤衫》,憑驕人身材獲「愛美神飛彈」美譽

1996年
憑電影《古惑仔之人在江湖》的細細粒一角人氣急升

2004年
憑劇集《金枝慾孽》封無綫視后

2007年
三月與「夜總會之父」鄧崇光傳緋聞;同年5月胞弟黎嬰遇車禍,腦部受創,黎姿宣佈停工一年

昨晚
宣佈退出娛圈

資料來源:《蘋果》資料室

行蠱惑上位

黎姿最為人熟識的角色,相信是電影《古惑仔》系列中的「細細粒」,她曾參演逾40多齣電影,後全力投身電視圈。
1985年 《開心鬼放暑假》
1986年 《飛躍羚羊》
1990年 《獄中龍》
1991年 《怒海孤鴻》*
1994年 《烈火狂奔》*
1996年 《O記實錄II》*、《古惑仔之人在江湖》
1997年 《97家有囍事》
2000年 《制服誘惑2之地下法庭》
2001年 《新楚留香》*
2004年 《金枝慾孽》*、《水滸無間道》*
2005年 《妙手仁心III》*、《胭脂水粉》*
2006年 《火舞黃沙》*
2007年 《通天幹探》*
2008年 《珠光寶氣》*

備註:有*號為電視劇
資料來源:《蘋果》資料室

14歲入行供養胞弟成材

14歲入行養家的黎姿,因家境貧困,故肩負供胞弟黎嬰讀書的重任,雖然曾背負與有婦之夫黃玉郎不倫戀之名,但仍不斷努力工作,供黎嬰至中大醫學院畢業後,再到英國攻讀碩士課程,回港後黎姿又全力資助他開設皮膚護理中心,一直以胞弟為傲。
去年5月,黎嬰乘搭的士回家途中發生嚴重車禍,頭部撼壆重傷,昏迷兩個月奇迹蘇醒,經多次腦部手術後,去年12月已轉往麥理浩復康院療養。黎姿當時正為無綫台慶劇《珠光寶氣》開工,她不但請假日夜照顧黎嬰,又傳她到四川寺廟點七星燈祈福,更在弟弟的意外後,信奉基督教慰藉心靈,更計劃於貴州以黎嬰之名建校助貧童。

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載