蘋果日報 | APPLE DAILY
› 選擇地區
三藩市
紐約
洛杉磯
其他美國地區
2009年02月06日

陳錦鴻後悔當年玩得癲

陳錦鴻對當年咬瘀鍾慧寧大腿一事,自言深感抱歉。

近日無綫和亞視兩間電視台分別被揭出現鹹豬手,其實電視圈多年來也有不少疑似性騷擾事件,如陳錦鴻00年拍攝亞視劇集《電視風雲》期間,被鍾慧寧指他咬瘀其大腿及言語上性騷擾。
陳錦鴻昨日在電話中說:「當年玩得太癲,係自己傷到人都唔知,現場仲有好多人,我有同鍾慧寧道歉講對唔住,佢已經接受咗我道歉,有時男藝人係要負番啲責任,我會警惕自己,不過冇性騷擾,有亞視唔會再搵我拍劇啦!」

相關新聞:楊怡否認PatPat失守

李子奇:含寃5年

李子奇則於02年被劉錦玲指拍戲時摸她胸部,李子奇昨日說:「劉錦玲喺5年後幫我平反咗,不過我含寃5年,邊個賠番啲名譽畀我,因為對我好有影響,唔通摸吓胸會發達咩?咁係自毀前途。」04年被王秀琳指非禮強吻的尹天照昨日說:「件事對我有好大傷害,對演藝事業都有影響,如果我非禮就俾人拉咗啦。」
至於海俊傑則於06年被一起拍攝劇集的劉綽琪和吳亭欣分別指控非禮,昨日他在電話中說:「做男藝人一定唔着數,咁點解佢哋拍緊戲時唔出聲,要個劇播出街先講?非禮係刑事點解又唔報警呢?件事對我或多或少都有影響,因為連fans都信,當年亞視冇人幫我,仲叫我唔好出聲㖭。」
採訪:丁寧

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2018 AD Internet Limited. All rights reserved. 版權所有 不得轉載