› 選擇地區
三藩市
紐約
洛杉磯
其他美國地區
香港 台灣 北美
 
2009年04月12日

日本藏毒唔使死
學友指衞詩算好彩

張學友對於衞詩(小圖)事件甚為關注,希望年輕人能視為警惕。

張學友、陳奕迅(Eason)和梁漢文(Edmond)三個已婚一族,昨日與方力申等人到佐敦一間錄音室,為慶祝佛誕成為香港的公眾假期十周年,錄製歌曲《佛誕吉祥》,新歌會於下月初在紅館舉行的佛教活動上播放,昨日錄音現場有大師向歌手送上佛珠祝福。

「希望佢判輕啲」

提到衞詩(Jill)在日本因涉藏毒被拘留及起訴,學友表示希望她能早日返港,他說:「其實佢都算係不幸中嘅大幸,各處鄉村各處例,佢今次喺日本犯事,如果其他地方會有死刑,希望佢可以判輕啲。」他又謂希望今次事件能令年輕人有所警惕。
至於唱片公司可能跟Jill解約,學友認為歌手的真正老闆是普羅大眾,最重要是Jill能夠面對外界。會否以這件事教育女兒?學友說:「如果個女十幾歲我會即刻畀單新聞佢睇,但我個只有7、8歲,我怕佢未必能夠完全明白。」Eason則建議衞詩被拘留期間,可以聽王菲早年灌錄的佛教歌曲平靜心靈。
收到大師所贈佛珠的Edmond,表示大師主要祝他們健康,問他有否叫對方祝自己早生貴子時,他笑說:「唔好畀壓力我。」在旁的Eason即插嘴說:「佢好努力,佢好多方面都好勁,唔好低估佢實力,係實力股。不過呢排又英超又聯賽,佢邊有時間?」在場有人即提議Edmond「開日場」,Eason又搶着說:「一早開早場之後又要做嘢,好攰喎,你哋唔係男人唔明,女仔都會攰,要休息養好身體,祝福佢。」
此外,鄭欣宜傍晚到場錄音時,談到其母沈殿霞生前經常叮囑她小心交朋友,故她以前會把身邊的朋友介紹給媽咪認識,讓她安心。
採訪:魯萍
攝影:仇志德

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載