› 選擇地區
三藩市
紐約
洛杉磯
其他美國地區
香港 台灣 北美
 
2009年07月27日

吳彥祖踩Angelababy難行天橋
William護花反擊:高過你

吳彥祖(左)大彈o靚模,搞到在旁的William面燶燶。

吳彥祖、方中信等前日為《竊聽風雲》造勢時,都開腔論o靚模,吳彥祖不知Angelababy是同場陳偉霆(William)的女友,提到o靚模矮細難登大堂行catwalk時,William即臉色一沉,忍不住護花搶着亂說,稱Angelababy高過吳彥祖。

由吳彥祖、劉青雲、古天樂、方中信、William主演的《竊聽風雲》前日到西灣河宣傳新片,為配合當日的「型男夜」主題,他們乘坐遊艇到現場,還吸引附近的外籍女遊客叫囂支持。

方中信窒o靚模

五位型男在炎熱天氣下走到展覽廳,當他們輪流接受傳媒訪問時,方中信即抵死揚言說:「我係唔會食雪糕同飲鮮奶。」擺明寸爆在書展中派奶的Kama和派雪糕的周秀娜。
由於近日的娛樂和港聞都充斥着有關o靚模的報道,所以方中信忍不住說:「唔係好健康,好似食吓雪糕,着三點式出街就覺得有發展,基本技能都未夠已經上A1頭條,如果我個女係咁就會堅決反對,睇到啲報道就唔係好舒服,食雪糕飲奶唔係好襯,佢哋又唔係出烹飪書。」

「嗰啲行唔到catwalk」

及後吳彥祖和William齊齊接受訪問,對於o靚模入侵模界,更搶去其他模特兒的工作,吳彥祖即力挺女友LisaS.說:「係兩種唔同嘅model,嗰啲行唔到catwalk,model分好多種唔同路線。」吳彥祖更不知o靚模始祖Angelababy是William的女友,當現場記者打趣問Angelababy是否適合行catwalk時,護女心切的William臉色一沉,但吳彥祖就反問記者Angelababy有幾高,欠缺風度的William即緊張搶答「高過你」,但其實Angelababy只有168cm,吳彥祖卻有186cm。
此外,《竊》片將於本周四上映,不過日前在內地開畫首日票房已突破千萬人民幣,成為第一部在內地首日票房過千萬的香港警匪片,成績十分理想。劉青雲前日透露拍此片時曾食泥和被道具槍的火屑彈傷手,認真大犧牲。
採訪:王連連
攝影:陳慧安、陳順禎

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載