蘋果日報 | APPLE DAILY
› 選擇地區
三藩市
紐約
洛杉磯
其他美國地區
2009年08月10日
馬上成為壹會員

自認唔係100%Nice
華仔搞水戰蝦安仔

劉德華早前一直在內地拍戲,已有一段時間沒有在港露面,前晚他返港和任賢齊及許志安一同演出音樂會,三人表現極high,尾聲時華仔拿起水樽淋安仔,全身盡濕。華仔表示和男仔一起玩才能投入忘我,至於被杜琪峯批評不夠nice,華仔笑說:「邊有一個人百分百nice?」

早前劉德華忙於在內地拍攝電影《狄仁傑之通天帝國》,近日終於完工回港,前晚他聯同任賢齊和許志安在會展演出新城「鑽石巨星音樂會」,由小齊打頭陣,他笑說因為自己廣東話最好所以才先出場,接着是安仔,他唱出張國榮、陳奕迅及米高積遜(MichaelJackson)的金曲。
華仔壓軸出場,他甫出現fans即湧到台前,他笑說:「好耐冇喺香港,要癲吓先,鎖門!一個都唔准走,我要同fans聯誼吓。」華仔又玩一王兩后與女舞蹈員跳標準舞,並勸歌迷返回座位以免混亂。
尾聲時,華仔、小齊和安仔同台演出,華仔率先搗蛋作亂,飲水噴向安仔,安仔反擊用水淋他,在旁的小齊立即彈開以免遭殃。一輪水戰後,華仔和安仔衣衫盡濕,兩人又頭貼頭再互淋,玩完水後三人又拿起紙碎互掟,安仔不小心跣倒,幸好沒有受傷。

叫杜琪峯道歉

事後華仔表示原本想淋台下觀眾,但見到有攝影師在場,故此改淋安仔。在台上跌倒的安仔則說:「華仔突然嚇一嚇我,我咪跣低囉。」華仔在旁說:「三個男仔好玩,可以玩癲啲,有女仔冇咁方便。」問三人可有想過一同在紅館開騷?小齊笑說:「等華仔拍完戲先,佢咁忙。」
日前本報報道華仔會接拍《新少林寺》,向他求證時,他直認說:「係有呢件事,大家都傾咗,但係未知幾時開拍,可能下半年或者要出年,開拍前3個月我仲要練少林功夫。」
不過華仔在戲中並非扮少林弟子,而是扮演軍閥的兒子,有傳李連杰會參演,華仔表示據知杰仔冇份演出。提到日前杜琪峯批評港星扮大牌,又指華仔有時候也不夠nice,華仔笑說:「邊有一個人百分百nice?杜sir係咪真係咁話我先?」記者直言是,華仔聞言笑說:「咁叫佢同我道歉先,我先會同佢講番嘢,其實我對佢好好啦!」華仔大方稱讚杜琪峯verynice。

安仔開P賀壽

另外,安仔後日42歲生日,問他當天是否和女友慶祝?他表示日前和好友梁漢文及蘇永康等舉行了一個神秘生日派對,女友也在場,但獨欠張衞健,安仔說:「健仔喺香港,但係就閂咗手提電話搵唔到佢。」完騷後,華仔、小齊和安仔到老闆林建岳位於荷李活道的日本餐廳消夜,約凌晨1時相繼離去。
採訪:胡比、朱志聰
攝影:黃偉雄、黃文成

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載