› 選擇地區
三藩市
紐約
洛杉磯
其他美國地區
香港 台灣 北美
 
2009年08月14日

人氣急升 自認一姐
周秀娜:唔知婷婷係同事

憑32D身材突圍的周秀娜,新聞多多,是非不斷。

周秀娜早前推出寫真集及攬枕備受批評,但人氣不跌反升,最近有指同經理人公司的謝婷婷不想被周秀娜拖累貶低身價,提出解約。周秀娜昨日在尖沙嘴出席活動時回應,竟指從來不知道自己與謝婷婷同屬一間經理人公司,並強調自己是公司簽的首個藝人。

周秀娜(Chrissie)與蒙嘉慧昨日在尖沙嘴出席美食推廣活動,Chrissie早前推出寫真集及攬枕,雖然備受外界抨擊,但人氣反而越鬧越高,被問到有報道指跟她同屬GME經理人公司的謝婷婷因怕被她拖累而提出解約,Chrissie對此說:「其實我唔清楚,只知自己係公司簽嘅第一個,之後簽咗邊個唔清楚,我唔知婷婷係我同事,因為我好少上公司,我深信唔會有呢件事,大家style唔同,亦唔會因為工作問題爭寵。」

誓保三點不露

問Chrissie會否覺得遭別人嫌棄?她滿有自信地說:「唔覺囉!我都唔係太清楚,又唔係我親耳聽到,我喺公開場合見過婷婷兩、三次,公司係視乎工作需要去安排工作,客戶選擇用邊個,我都控制唔到o架。」
人氣升工作自然多,Chrissie表示已接拍了兩、三部電影,問她會否接拍三級片?她說:「全裸就唔OK,誓保全身嗰幾點,幾多錢都唔考慮,自己未接受到,衝破唔到心理關口。」
同場Chrissie與蒙嘉慧比拼廚藝,Chrissie早前擔任無綫節目《美女廚房》嘉賓時,鄭伊健做試食評判,所以她甫見蒙嘉慧劈頭第一句就說:「今次啲嘢一定熟。」不過進行比拼時,周秀娜關心鏡頭多於烹飪,經常只顧望相機,相反蒙嘉慧較專心,結果周秀娜落敗。

甘心養埋男友

此外,Chrissie早前接受有線娛樂新聞台節目《主播會客室》訪問,對於有指其身材有整容之嫌,她說:「我胸部size啱啱好,身材係屋企人賜畀我嘅,係天生嘅。」早前推出的人形攬枕備受抨擊,又被指成為性幻想對象,男友有否呷醋?她笑言:「佢日日都攬住我真人啦,我本寫真集佢都畀意見我,話我啲相眼神唔夠火。如果有男藝人推出攬枕,我希望嗰個係金城武。」Chrissie的事業越做越好,她不擔心與男友距離越遠,她竟說笑:「只要養埋佢,佢就唔會呷醋,而且佢都事業有成。」
採訪:魯萍
攝影:葉君海

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載