› 選擇地區
三藩市
紐約
洛杉磯
其他美國地區
香港 台灣 北美
 
2009年08月14日

爆林雪勁NG
阿杜讚法國貓王周身斷骨似殺手

杜琪峯除直指劉德華不夠友善外,又指林雪講英語對白頻食螺絲。

一向敢言的導演杜琪峯早前直指劉德華唔nice,相對主演其新作《復仇》的「法國貓王」JohnnyHallyday,阿杜則讚不絕口,讚Johnny演員道德修養達90分,更指他以前打拳導致經常骨折,很配合《復》片的殺手角色。

杜琪峯執導的電影《復仇》成為今屆「夏日國際電影節」的開幕電影,日前阿杜接受本報記者訪問時表示,拍攝此片最大難處是劇中演員需要講英語對白,他笑說:「好似林雪要講英文,最後都要搵外國長大嘅陳子聰幫手配音,有時阿雪講說話,JohnnyHallyday都唔知道佢講乜,配咗4、5次音都唔得。」至於黃秋生與任達華則沒有這個問題。

Johnny有修養

談到「法國貓王」JohnnyHallyday的表現時,阿杜說:「當初都唔係太認識佢,係去到康城先知道佢原來好紅,有好多fans,不過佢好少演戲,主要係唱歌。」
問阿杜外國演員的架子會否很大?他說:「佢都只係25分鐘一杯咖啡,食支煙,好靜咁坐喺度,作為一個演員,Johnny嘅道德修養有90分;喺演戲方面,因為佢係歌手出身,都有70幾分。」
阿杜笑言在《復》片演殺手的Johnny以前駕電單車和打拳甚麼都試,更試過多次斷骨,加上其樣子很像殺手,所以演戲時事半功倍。

阿倫狄龍辭演

原本Johnny的角色屬意由阿倫狄龍(AlainDelon)來演,可惜他以劇本不合推掉。阿杜又表示在外國拍戲非常舒服,每天工作8小時,有充足時間休息。
此外,據知阿杜80年作品《碧水寒山奪命金》即將在港重新安排上演,但他笑言多年前的作品,已經不想再重溫。
採訪、攝影:何永寧

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載