› 選擇地區
三藩市
紐約
洛杉磯
其他美國地區
香港 台灣 北美
 
2009年08月14日

《十人巷》揸弗揀新人
森美斥o靚妹靠剝出位

森美指以前娛樂圈個個周身刀,希望能重新建立健康風氣。

由無綫和商台合辦的節目《十人巷》,挑選了一批年輕人進行演戲、跳舞及唱歌等培訓,無綫高層陳志雲和森美聯手做主持及評判。森美稱近來o靚模風氣盛行,批評他們觀念有偏差,希望可以把歪思想矯正過來。

森美最近為無綫和商台合辦的節目《十人巷》擔任主持及評判,希望發掘明日之星。早前森美接受訪問時,感慨現在的藝人和以往的巨星工作心態有異,他說:「娛樂圈出現咗斷層現象,以前80年代歌手個個張張刀都咁利,但家年輕人唔係,覺得只係着少啲就可以入行。」

只為取悅男人

談到近日o靚模攻陷娛圈,森美說:「我問過有啲參加《十》嘅少女model,點解將私人嘅相放喺blog,佢哋話因為公司叫佢哋咁做。亦有人覺得男人鍾意足球同女人,如果佢哋識踢波,咁魅力不可抵擋。佢哋以為自己取悅男人就得,娛樂圈冇人為取悅某一類人而做,佢哋諗法好古怪。」該節目安排眾參賽者上演藝課程,王晶及譚詠麟等人教導,森美謂若發現參賽者有問題,會毫不留情批評。
今次與無綫高層合作,森美表示在陳志雲身上學習到不少,他說:「最初會有啲驚,伴君如伴虎,但了解咗大家合作好好。佢EQ好高,玩起嚟可以好癲,我就口衰、刻薄,對住有啲好騎呢面試嘅人,佢都好善良。」問到會否希望成為「迷雲黨」之一,他笑說:「恨不得啦!想成為honey之一,唔敢講佢係我同小儀嘅恩人,但真係幫我哋唔少,好畀機會我哋。」
採訪:王連連 攝影:林德雄
場地提供:Phonograph

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載