› 選擇地區
三藩市
紐約
洛杉磯
其他美國地區
香港 台灣 北美
 
2009年08月14日

拍劇咀出火花
黃宗澤撇杏兒愛茵媺有新鮮感

黃宗澤跟陳茵媺在《烈火雄心3》中飾演情侶,他笑言這個配搭給觀眾新鮮感。

黃宗澤和胡杏兒向來被視為一對,不過在無綫劇集《烈火雄心3》中,胡杏兒被安排周旋在鄭嘉穎和王喜之間;黃宗澤則與另一港姐出身的陳茵媺配成鬥氣寃家,不少人看過這對鬥氣寃家的演出後,均好評如潮,難怪黃宗澤願意暫時放低胡杏兒,與陳茵媺做螢幕情侶。

黃宗澤(Bosco)在無綫劇集《烈火雄心3》中,飾演勇字當頭的消防員Encore,與陳茵媺(Aimee)飾演的女警Easy不打不相識,最後更奉子成婚。

激咀速戰速決

不得不提的當然是一場梳化激咀,日前Bosco接受訪問,提到與陳茵媺激咀時,他笑說:「我覺得Aimee好聰明,學嘢又好快,好彩我哋拍呢場戲嗰陣熟咗啲,埋位之前共識要快啲搞掂,唔好NG好多次,我知道有觀眾讚我哋,所以都覺得好開心。」
向來與Bosco飾演情侶的胡杏兒,今次則與鄭嘉穎和王喜發展三角戀,記者笑指若加插Bosco,相信觀眾會看得更肉緊,Bosco笑說:「咁太複雜啦,其實有陣時都要轉吓配搭,等觀眾睇落有新鮮感嘛。」

做女警豁出去

Aimee談起劇中角色時,一開口便說:「我今次真係豁出去,呢個女警唔係我嚟,當初我收到劇本發覺完全唔似自己,但諗深一層又覺得都係唔似自己仲好,起碼可以諗多啲嘢,有好多朋友睇完都讚我。」
今次Aimee也有不少動作戲,她說:「其實公司預備咗替身,但係拍嗰陣覺得親身上陣鏡頭會靚啲,好好彩武指畀信心我去做,如果有機會我都想再拍動作戲。」
採訪:何慧斯 攝影:葉君海
場地提供:恒豐酒店
髮型、化妝:KaIofHH、CyrusLeeofBeautytech(黃宗澤)

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載