› 選擇地區
三藩市
紐約
洛杉磯
其他美國地區
香港 台灣 北美
 
2009年09月18日

胡定欣自封Dan-tist
伺機闖樂壇

胡定欣現時最渴望唱歌闖樂壇,但她深知做歌手艱難,所以已努力裝備自己。

因為《舞動奇跡》的關係,胡定欣舞出一片天,觀其近期出席的各大小活動,十居其九都與跳舞有關,難怪定欣亦禁不住笑說:「我家係一個dan-tist,即係dancer加artist。」對於未來,胡定欣更想嘗試唱歌,但就承認要做歌手有難度,要等待機會。

胡定欣表示因為工作的關係,所以至今未有認真看過《古靈精探B》,惟有靠問朋友的意見,幸好她們都認為冬菇頭造型很搞笑,談到劇中一場鋼管舞,定欣說:「今次係我第一次跳,真係好難跳,衣着造型又好sexy,我諗觀眾都會感到新鮮。」

「唔可以套套劇跳」

對於被笑指跳舞已經是她的標誌時,定欣亦禁不住笑說:「係呀!我家係一個dan-tist,即係dancer加artist,不過我覺得唔可以套套劇都係咁跳,任何事都唔可以太多,適當就OK,唔係觀眾睇得多會好厭同好膩。」
自從2008年台慶頒獎禮上獲得「飛躍進步女藝員」後,胡定欣似乎多了一份自信,工作上亦多了不少新嘗試,她說:「入行以嚟我都有試好多唔同嘅嘢,不過觀眾最初對我嘅印象好模糊,連我自己都覺得自己無乜sellingpoint,但係《舞動奇跡》之後,我感覺觀眾開始對我有印象,加上舊年又攞咗個飛躍大獎,所以家嘅信心多咗。」

渴望拍電影唱歌

定欣又說:「家嘅工作量同機會都唔錯,就算遇正金融海嘯嘅工作量都好穩定,我希望一直可以keep住,我會好好珍惜呢啲機會。」
至於未來的發展,定欣則說:「我好想試吓拍電影同埋唱歌,雖然我曾經參加過新秀,不過家做歌手真係好難,我個心唔會勉強,我唔會因為冇碟出就唔鍾意唱歌,有啲嘢唔急得,要等機會。」定欣更表示現階段會努力裝備自己,直到將來有這機會發揮,獲得大家的認同。
採訪:何慧斯 攝影:陳慧安
服裝及場地:TEDBAKER
髮型:josephlui@HAIR

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載