› 選擇地區
三藩市
紐約
洛杉磯
其他美國地區
香港 台灣 北美
 
2009年09月27日

婚後少飲免出醜
梁漢文酒後失控須生擒制服

(左起)唐素琪、梁漢文和鄧麗欣同屬金牌大風的人,三人自然要為側田的打架事件作回應。

梁漢文(Edmond)、鄧麗欣(Stephy)和JaniceMan(文詠珊)等前晚到中環出席時裝活動,近日曹格和側田醉酒打架一事熱爆娛樂圈,由於Edmond以往也愛好杯中物,也試過多次醉酒現醜態,不過自從結婚後,Edmond可謂修心養性不少,他也自言現時心態已不同,他說:「其實婚前兩、三年都好少出去玩,之前我有朋友喺酒吧開party,自己因為太耐冇去,有啲唔慣,所以我就講咗個美麗嘅謊言話第日要開早。自己一飲醉就會好energy,會唔停走嚟走去,搞來搞去,要啲friend捉住我。」

唐素琪酒筲箕

Stephy自言平日甚少飲酒,最多是慶祝生日時會飲幾杯放鬆一下,但她強調自己很有定力,一定不會讓自己醉酒失儀。反而外表清純的唐素琪卻自爆酒量驕人,她說:「自己好飲得,因為之前喺英國讀書飲酒係好平常。」
此外,JaniceMan自從簽約黎明公司之後工作量增加不少,她坦言現時積極努力中,但不會刻意為自己訂下甚麼目標,她說:「希望多啲工作,將來買樓同屋企人同住,自己家夠錢買樓,但希望儲多啲錢,因為我希望有個花園仔,等我隻狗baby可以多啲活動空間。」
採訪:馬建華
攝影:陳順禎

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載