› 選擇地區
三藩市
紐約
洛杉磯
其他美國地區
香港 台灣 北美
 
2009年10月08日

紅館天橋勾失戀慘況
林一峰自爆俾仔飛

林一峰(右)提及被仔飛的慘痛經歷,二汶拍拍哥哥的膊頭以示安慰。

「一峰二汶好天氣演唱會」前晚於紅館舉行,林一峰自爆10年前被男友飛,他說:「最唔抵係俾個唔靚仔嘅飛呀!」他更表示當時於天橋徘徊,有一刻想過跳橋,幸妹妹二汶在身旁開解他。

林一峰和妹妹林二汶前晚於紅館舉行一場「一峰二汶好天氣演唱會」,二人的父母、黃耀明、黃宗澤、吳雨霏和黃偉文等捧場。林一峰向少爺占致謝,並笑說:「我要多謝一個認識十幾年嘅人,我仲未做歌手時已同佢一齊做音樂,呢位就係少爺占,佢結婚嘅傳聞係假嘅,因為我未應承佢。」

要衰喺靚仔手上

一峰自爆99年被飛的經歷,他說:「99年除夕有人同我講分手,我好唔開心,當時行過紅館對出條天橋,二汶都喺我身邊,我仲借咗佢隻手攬咗一晚,好有肉感,嗰種暖意不能言喻。我攬住佢一晚,先冇跳落去,幸好當時有二汶喺度。」在旁的二汶即說:「我唔知你係想去死,嗰時係我肚餓嘅求生警號幫咗你。」之後一峰唱出《曾經有你因此有我》時感觸流淚,二汶見狀說:「我終於近距離見到阿哥嘅眼淚,其實我最應該出攬枕,我咁好攬。」
事後一峰接受訪問時被問到想跳橋一事,他說:「啲衰嘢唔記得啦,希望快啲搵到最後一個。」當記者追問其對象是男或女,他說:「最蝕係俾個唔靚仔嘅飛,衰都衰喺啲靚嘅手上。」 
採訪:王連連
攝影:陳俊強、馮嘉文

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載