› 選擇地區
三藩市
紐約
洛杉磯
其他美國地區
香港 台灣 北美
 
2009年12月02日

「佢好靚仔,好有才華」
舒淇向張震示愛食檸檬

舒淇穿上大露背新裝,自爆心儀張震。

【澳門直擊】舒淇和緋聞男友張震昨日在澳門同場碰面,兩人拒絕合照,硬拉桂綸鎂三人行。舒淇半開玩笑狂送秋波,揚言鍾意張震這類靚仔又有才華的男友,絕對有發展機會,但張震常被拍到與其他美女同行,似乎相當花心,舒淇半開玩笑發嬌嗔說:「佢唔鍾意我囉,所以我好委屈o架!」

舒淇昨日現身澳門,戴上750萬鑽表為LV主持新店開幕剪綵儀式,其緋聞男友張震也有出席。張震父親張國柱日前大讚舒淇努力上進,是年輕人模範,和兒子相配,舒淇昨日聽罷十分受落,頻說多謝。

「合乎我條件」

問舒淇可想和張震拍拖?她開心笑說:「我哋成日都拍o架啦,俾你哋寫到。」是否有發展機會?她眼仔睩睩說:「梗係有啦,每一個未結婚嘅異性,都有可能,睇timing囉。」張震是否她喜歡的類型?她說:「我都鍾意o架,我哋係好朋友,佢好靚仔,好有才華,都合乎我條件。」但張震常被發現與美女同行,似乎相當花心,舒淇半開玩笑說:「所以佢鍾意出面嘅女仔,唔鍾意我囉,所以我好委屈o架!」之後她說:「我哋10幾年嚟都係好朋友,拍《最好的時光》共處咗5個月,都有一段刻骨銘心嘅愛情,我哋彼此好了解。」她直認想怕拖,但不會為愛情放棄事業。

張震:沒想太多

不過,當舒淇和張震昨晚碰面時,氣氛卻有幾分尷尬,堅拒合照,拖拖拉拉下,硬夾另一嘉賓、台灣氣質美女桂綸鎂做電燈膽合照。張震聽到記者引述舒淇的示愛言論,即時一頭霧水,並火速派檸檬說:「我覺得係朋友,識咗好耐,合作咗好多次。」
張震續說:「佢好靚又聰明,我哋好多嘢可以傾,發展就唔知,我冇諗過,大家係好朋友。」
問到可是timing問題?張震即緊張地轉以普通話說:「沒想太多,隨緣。」對於舒淇自覺受委屈,張震一臉疑惑說:「她也有喜歡很多男生,喜歡人很正常。」
採訪:羅慧敏 攝影:林德雄

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載