› 選擇地區
三藩市
紐約
洛杉磯
其他美國地區
香港 台灣 北美
 
2009年12月02日

三角戀爆煲
馮仁昭四圍超:李綺雯斥陳七劈腿講大話 - 馮仁昭

o靚妹同陳七閃電拍拖分手,認真化學。 互聯網圖片

過氣亞視女優李綺雯(o靚妹)上星期因為同效力南華嘅香港首席射手陳肇麒(陳七)激咀相曝光,俾人踢爆發展姊弟戀,不過呢段情真係好化學,o靚妹認完拍拖冇幾耐又話分咗手,陳七就話同o靚妹喺8月分手,10月底先翻撻舊愛Natalie,o靚妹親口證實佢哋sweet到爆嘅澳門預支蜜月之旅,就係喺8月29日發生。
噚日o靚妹喺電話度話陳七擘大眼講大話,堅稱佢哋嗰陣時未分手,問佢當中可覺有第三者?佢話:「其實係囉,細節嘅嘢唔想再提啦。」之後o靚妹滿懷心事出席無綫劇《OnlyYou只有您》喺電視城搞嘅開鏡拜神儀式,問佢同陳七仲係咪朋友?佢苦住面口話:「我唔識點講,總之唔係敵人,但係冇必要聯絡,佢都有自己難做嘅地方,當時唔講戀情係唔想炒作啲新聞出嚟,開心就話啫,我唔想由我去講邊個啱邊個唔啱,我唔係一個好識講嘢嘅人,唔想講多錯多。」

梁政鈺真空搏命

另外,梁政鈺噚日着住件黑色大露背裝出現,有記者笑佢好搏,佢話:「都係o架!今次係真空貼乳貼,不過都做好晒安全措拖。」

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載