› 選擇地區
三藩市
紐約
洛杉磯
其他美國地區
香港 台灣 北美
 
2009年12月18日

「演藝界多咗生力軍」
o靚妹寸陳七拖女做騷

o靚妹日前收拾失戀傷痛,打扮靚靚出席友人婚宴,不過談起陳七與女友Natalie高調拍拖,她直指二人似做戲。

人氣球員陳肇麒(陳七)近日高調確認Natalie的女友地位,大前晚還到女方香閨過夜,陳七舊愛李綺雯(o靚妹)昨日揶揄兩人舉動似做騷。對於成為七嫂的Natalie升呢成為紙上明星,被辣㷫的o靚妹暗寸情敵識做戲,有潛質加入娛樂圈,令罵戰再度升級!

香港足球隊上周六在東亞運動會足球賽事中擊退日本強敵,港隊締造奇蹟奪金,功臣之一陳肇麒近日人氣急升,帶挈身邊的翻撻女友Natalie也成為紙上明星,二人重燃愛火後頻頻出巡晒恩愛,大做真人騷。七嫂Natalie更以勝利者姿態向輸家李綺雯示威,o靚妹昨日反擊指陳七明知有記者追訪,但仍到Natalie香閨過夜似做騷。
陳七大前晚贏波後即解禁到女友Natalie家度春宵,o靚妹昨日在電話中笑着否認受刺激,她喪笑道:「佢哋好似做騷。」問可妒忌Natalie搶回男友?o靚妹說:「點解我要為呢個人唔開心?我都想同佢哋劃清界線,大家以後唔好再問我佢哋啲嘢。」

嘲陳七被箍實可憐

有指Natalie迫令陳七把與o靚妹的啜嘴合照刪走,還把facebook的賬戶連根拔起,以杜絕o靚妹與陳七復合,o靚妹說:「我一早都將我哋嘅舊照鏟走啦。」Natalie高招箝實男友,o靚妹即戥陳七可憐,她說:「咁佢(陳肇麒)幾慘,不過佢哋啲嘢,我真係覺得係娛樂新聞一則。」問o靚妹可覺得陳七和Natalie高調拍拖,o靚妹寸爆說:「演藝界多咗生力軍,我歡迎佢哋加入。」

「冇人哋咁多花招」

Natalie不甘做陳七背後的女人,看來有意向情敵o靚妹示威,o靚妹說:「講真我有自己嘅事業,都唔得閒諗人哋咁多嘢,我又冇人哋咁多花招。」o靚妹近日積極工作療情傷,她一再強調失戀傷痛漸撫平,她日前更盛裝出席友人婚宴,並開心滿場飛,日前更把照片上載到網誌。問o靚妹可恨嫁,她說:「我事業為重。」
採訪:比華利

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載