蘋果日報 | APPLE DAILY
› 選擇地區
三藩市
紐約
洛杉磯
其他美國地區
2009年12月18日
馬上成為壹會員

新劇造型翻炒宮心計
阿佘刁蠻公主甩嘉穎

佘詩曼坦言希望《公主嫁到》能承接《宮心計》的氣勢,不過能否在明年台慶頒獎禮上與《巾幗2》對戰,則是未知數。

被喻為《宮心計》喜劇版的無綫劇集《公主嫁到》昨日試造型,未知是否因沿用《宮》劇原班人馬的關係,加上同樣以唐朝做背景,所以不少演員的造型均熟口熟面,尤以飾演崔太妃的謝雪心造型與《宮》劇的太皇太后造型極相似。雖然鄭嘉穎冇份參演,但飾演刁蠻公主的佘詩曼表示希望下次合作。

佘詩曼、陳豪、謝雪心、關菊英、陳法拉和李香琴等人,昨日在將軍澳電視廣播城古裝街為新劇《公主嫁到》試造型。

「服裝似好正常」

對於造型被指與《宮心計》相似,謝雪心說:「可能兩部劇嘅背景都係唐朝,所以服裝相似都好正常,不過我哋今次嘅戲服係全新訂做,我亦唔係演奸角,反而飾演一個賢淑嘅妃子。」
佘詩曼身穿古代大紅新娘嫁衣出場,她說:「造型係有啲相似,不過劇情完全唔同,今次我飾演一個茶煲公主,刁蠻得嚟又鍾意伸張正義,以為乜嘢都可以用錢買到,直到最後先知道愛情係唔可以用錢買。」
陳豪飾演駙馬迎娶阿佘,問阿佘會否覺得少了鄭嘉穎一份?她笑說:「佢有其他工作,唔可能次次都係同一班人合作,留番下次囉!」阿佘表示希望這部劇可以承接到《宮心計》的氣勢,不過會否在明年播出仍是未知之數,所以不會想太多。對於有消息指阿佘與某富豪分手,她說:「我冇睇過報道,亦冇跟進到呢件事,佢哋鍾意點講就點講,反正我都控制唔到,我冇唔開心。」

陳法拉大顯身手

此外,陳法拉終於脫離性感路線,她笑說:「我今次做阿佘個保鑣,聽講仲好打得,可以有新嘗試梗係開心,我今次只會露身手,唔會露其他。」
採訪:何慧斯
攝影:黃文成

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載