› 選擇地區
三藩市
紐約
洛杉磯
其他美國地區
香港 台灣 北美
 
2009年12月18日

星光幫亢帥克
失戀王唱出傷痛

來自內地的亢帥克非常熱愛唱歌,以做歌手為終身職業。

現年21歲、來自廣州的亢帥克為圓歌星夢,不惜劈炮唔撈,全程投入來港參加《亞洲星光大道》,雖然最終屈居亞軍,但他認為半隻腳踩入樂壇已當自己贏了。亢帥克還自爆演繹悲情歌是真情流露,皆因有大堆俾女飛的慘痛經驗。

雖說英雄莫問出處,但亞視主辦的歌唱比賽節目《亞洲星光大道》亞軍亢帥克,由報名至今都不介意自揭底牌,他直認參賽前曾在廣州做道路收費員,他日前說:「月薪好奀,只係得2,000蚊人民幣。參賽後我即刻辭工,成半年冇做嘢,全靠阿媽接濟。」他指參賽後一直朝三甲目標邁進,只許成功不許失敗,他說:「我投資咗好多,真係唔輸得。」

「俾啲女仔蝦」

為圓歌星夢,亢帥克先當量地官,每次由廣州來港參賽,都要向家人做伸手牌,銀包中也只有近千元零用傍身,不過亢帥克不覺辛酸,因為只要聽到評判的嘉許和觀眾的掌聲,身上打不死的細胞馬上復活。
天賦靚聲之餘,亢帥克後天也很努力,他說:「我試過不眠不休去練好隻歌,我會不停係咁聽,掌握當中技巧,之後將試唱錄音,自己再翻聽執錯處。我知唔夠瞓都好傷聲,好彩阿媽不時煲人參雞湯我補吓。」亢帥克雖然只是半隻腳踩入樂壇,但他已視做歌手為終身職業,他說:「我要唱到唱唔到為止,我把聲比條命仲重要。」
綜觀亢帥克參賽選唱的歌曲,全部都凸顯他聲音中充滿滄桑的味道,他也希望將來繼續發揮所長,為男生唱出失戀傷痛。21歲小伙子亢帥克的失戀經驗到底有幾多?他一臉尷尬說:「三次,我次次都係俾女飛,可能我唔識拍拖,對啲女仔太好,反而俾佢哋蝦。」

靜待天賜良緣

雖然如此,亢帥克對愛情還是有憧憬,希望將來找到自己最愛,他說:「我希望將來嘅另一半,一定要鍾意聽我唱歌,唔好嫌我食飯又唱,去廁所又唱,冲凉又唱,總之成日口噏噏,爭在發夢未唱埋一份。」與亢帥克對談,感覺到他也富幽默感,其實歌聲和笑聲都是冧女必殺技,看來他此刻身邊冇女,只是緣份未到吧。
採訪:比華利 攝影:陳順禎
服裝:TedBaker
場地:TheTartanBar(港威酒店)

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載