蘋果日報 | APPLE DAILY
› 選擇地區
三藩市
紐約
洛杉磯
其他美國地區
2009年12月18日
馬上成為壹會員

戒買玩具多行善
古仔四川訪災民 大徹大悟

古天樂覺得最重要是一家人開心健康,便已足夠。

古天樂最近不再花錢買模型玩具,卻以過億港元購買豪宅,不為投資,只為自住。他表示曾到四川探訪地震災民,令他覺得自己十分幸福,故他打算成立慈善基金,貢獻社會。

古天樂曾經花了很多錢去購買大型模型玩具而被指為玩物喪志,之後他決定不再花錢買玩具,早前更購入逾億元貝沙灣豪宅。古仔聲稱買樓是自住,沒打算靠炒樓發達,做生意會留待退休後才實行,現在只想搵錢做善事去幫助別人。

成立慈善基金

古仔希望成立慈善基金,貢獻社會,他說:「做人辛苦,搵錢仲辛苦,我發覺人生最重要係一家人開開心心、身體健康,連續兩年去四川探訪地震災民,令我覺得自己好幸福,既然有能力點解唔去幫人,貢獻社會。」
藝人為鋪後路多會選擇從商,但古仔暫無意向商界發展,因為他深信力不到不為財這句說話,他說:「做乜都好,千祈唔好分心,要做好自己每一件事,力不到不為財,唔係坐喺度俾人叫聲老闆就會有錢走埋嚟,等我唔再拍戲退休時,都會選擇從商。」
另外,古仔日前擔任ToyWatch專門店的剪綵嘉賓,據知該品牌的遠東區執行董事兼總經理鄧霓儀睇中古仔的男人味,古仔說:「呢啲都係別人對我嘅觀感,就等於手錶一樣,唔好只係睇外表,入面都好緊要。」

 

其實古仔並沒有收藏手錶的嗜好,買錶只為保值和實用,他說:「心愛嘅錶可以擁有好多,但手只得一雙,買太多都戴唔晒,平時喺香港太忙唔會去行街,出埠時見到鍾意嘅錶款都會買,買過最貴嘅一隻錶20幾萬,但我一定唔會戴數字錶。」
古仔續說:「唔知點解冇人設計有響鬧功能嘅行針錶,老實講我戴錶純為睇時間,有需要時都會用嚟襯衫。」
採訪:魯萍 攝影:林德雄
髮型:DanTamofO4 化妝:CarmenMan
場地提供:ChumChum味

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載