蘋果日報 | APPLE DAILY
› 選擇地區
三藩市
紐約
洛杉磯
其他美國地區
2009年12月18日
馬上成為壹會員

Miki做開P總司令
鄭融焗火雞撐場

Miki笑言看到朋友參加派對時玩得盡興,會有很大滿足感。

楊愛瑾(Miki)打算於聖誕節擔任派對搞手,舉行一個有特別主題的派對,與公司的同事及藝人一同歡度佳節,而鄭融及董敏莉(Monie)負責炮製聖誕大餐焗火雞、周柏豪就會擔任當晚的大會攝影師。

轉投StarzPeople的楊愛瑾,在圈中越來越活躍,最近她忙於做搞手開聖誕派對,與同門鄭融、周柏豪和董敏莉與工作人員一同歡度聖誕佳節。

自認專業搞手

原來Miki有多次籌備派對的經驗,她舉辦過最大型的派對有百多人參加,她說:「唔知點解我啲朋友呢幾年都叫我搞party,可能我份人唔怕煩,book場地、發邀請卡,甚至收入場費我都係一腳踢自己搞晒,有時仲要負責埋佈置場地。」Miki表示每次看到朋友參加派對時玩得盡興,她會有很大滿足感,她笑言將來可能會成一個專業派對搞手。

周柏豪屈老闆

至於曾主持飲食節目的董敏莉及一向愛下廚的鄭融就會負責派對的食物,阿融近日已不停於網上搜尋焗火雞的食譜,Monie就負責焗蛋糕。原來阿融於眾多節日中最喜歡聖誕節,她更會每年送聖誕卡給朋友,她說:「家好多人都會喺節日sms或者傳ecard畀朋友,但係我咁多年都堅持手寫聖誕卡,因為我覺得收到一張寫滿祝福嘅賀卡會好開心。」
另外,周柏豪就會負責挑選禮物以及做派對的攝影師,他打算向老闆索取5位數選購禮物作抽獎之用,他說:「每年老闆都會拎錢出嚟抽獎,今年我會叫佢將部份嘅錢畀我去買禮物,而且我好鍾意買禮物嘅過程。」
採訪:李珮洳 攝影:仇志德
場地提供:海港城 服裝提供:izzue

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載