› 選擇地區
三藩市
紐約
洛杉磯
其他美國地區
香港 台灣 北美
 
2010年02月03日

「佢頭似隻豹」
麥玲玲批陳振聰晚年運滯

司徒法正與麥玲玲對龔如心千億遺產案判決也相當關注。 資料圖片

哄動全城的龔如心千億遺產案昨日終於有宣判結果,有富豪風水師之稱的陳振聰被判敗訴。堪輿家麥玲玲昨日指陳振聰的相格注定他敗訴,她說:「佢頭似隻豹,嘴部同下顎生得冇咁好,所以係受唔到咁大筆財,晚運都較差。」

陳振聰昨日在華懋集團已故主席龔如心千億遺產案中被裁定敗訴,華懋慈善基金勝訴。有關裁決結果,全城關注,其中堪輿家麥玲玲指陳振聰的相格已注定他敗訴,她昨日在電話中說:「其實陳振聰嘅面相唔夠強,雖然額頭夠闊,眉、眼同鼻形都算可以,但佢頭似隻豹,嘴部同下顎生得冇咁好,所以係受唔到咁大筆財,晚運都較差。」

司徒法正:信因果

至於爭產案中提到的風水遺囑,麥玲玲說:「風水遺囑只係緊急關頭時應用,但用完都要燒咗佢,唔可以作其他用途,唔可以用術數呃人。」
曾為華懋一方擔任專家證人的風水師司徒法正昨日則說:「在我嚟講,法官咁判必定有佢嘅理由,我所有做嘅嘢係啱,我作證都證明咗風水師行為都唔係立亂嚟。件案完結,我都功德圓滿。」陳振聰敗訴後,有可能面臨被起訴偽造假遺囑,司徒法正不予評論,但他說:「司法嘅嘢我就唔清楚,不過我相信因果,每個人做咗啲嘢,都要對番後果,承擔番責任,我相信法律係公正。雖然風水師做嘢會得到利潤得益,但佢利用風水方式去做出令人相信嘅行為去牟利就唔係咁好。」
可會與華懋基金代表、龔如心胞弟龔仁心慶祝?司徒法正說:「有機會見面先。」
另一堪輿家楊天命指一家不知一家事,但利用術數欺騙人的行為不當,他昨日在電話中說:「利用風水遺囑搵錢係唔啱,我自問新派玄學,呢樣嘢真係未聽過。」
採訪:比華利

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載