› 選擇地區
三藩市
紐約
洛杉磯
其他美國地區
香港 台灣 北美
 
2010年02月03日

口花花徵慰妻橋
梁朝偉:有乜嘢教吓細佬

梁朝偉昨日在灣仔出席「第6屆香港影視娛樂博覽」記者會,正忙拍電影《一代宗師》的他雖然經常弄傷手腳,但仍無損心情,正積極籌備送花、情人卡和陪食飯,還徵求新花款節目想和太太劉嘉玲度過浪漫情人節。

梁朝偉昨日以香港影視娛樂大使身份、聯同香港音樂匯展大使古巨基、香港貿發局影視娛樂諮詢委員會主席林建岳等嘉賓,在灣仔出席「第6屆香港影視娛樂博覽」記者會。偉仔早前在開平拍攝電影《一代宗師》外景,拍了幾個星期,最近劇組轉到瀋陽拍攝雪景戲,偉仔趁沒有自己戲份便抽空回港出席活動。

越幫越忙

心情靚爆的偉仔透露情人節與太太劉嘉玲食飯慶祝,會送花和情人卡,他說:「都係嗰啲,食吓飯,送花同卡o架啦!仲有乜嘢其他可以教吓細佬。」同時,偉仔也否認早前指嘉玲有喜的傳聞。
有傳章子怡在《一》片的戲份被刪,偉仔代為否認,卻越幫越忙,他說:「唔會,導演諗好咗唔會隨便刪戲。」但他說到劇組目前正在瀋陽拍攝雪景戲,導演王家衛因為覺得景靚,所以決定加重在瀋陽的戲份,或會臨時加入他的戲份,偉仔說:「家喺瀋陽開緊工,我就冇瀋陽戲份,但導演話個景靚,或者要加我戲份喺瀋陽拍。」和他之前所講完全不合邏輯。

怨王家衛

雖然該片已開拍了一段時間,但偉仔對有關的一切卻是個謎,因為他對外傳鞏俐有份演出、戲中飾演他太太角色,甚至宋慧喬會演哪一角,竟一無所知。
偉仔說:「我都係聽過話鞏俐有份,但真係唔知,導演(王家衛)成日無端端就加人,邊個飾演我老婆都未知,家都係拍緊打戲,我同章子怡未有對手戲,暫時都冇見過佢,但我知佢係演一個武功高強嘅北方人。」
採訪:魯萍
攝影:陳慧安

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載