蘋果日報 | APPLE DAILY
› 選擇地區
三藩市
紐約
洛杉磯
其他美國地區
2010年02月10日
馬上成為壹會員

翠翠過年混吉嘆好男人難求

葉翠翠(右)和惠英紅玩頂patpat,翠翠不理儀態出盡全力,搞到面容扭曲。

自從有傳葉翠翠被趙薇撬牆腳搶去富貴男友黃有龍後,感情一直未有着落。情人節將至,葉翠翠坦言今年將要獨自混吉和家人度過,經過情傷後她坦言好男人買少見少,理想姻緣難求。

葉翠翠前晚和惠英紅、郭政鴻及羅仲謙等人,到將軍澳電視廣播城錄影無綫遊戲節目《逐格鬥》,未開始遊戲,主持人鄭裕玲(嘟嘟)要求兩位打得之人惠英紅及郭政鴻比試金雞獨立,兩人耐力可謂不相伯仲。玩頂patpat遊戲時率先由翠翠對惠英紅,事前各人一致看好惠英紅,怎料翠翠實行盲拳打死老師傅,出盡九牛二虎之力用patpat推惠英紅出界,結果翠翠爆冷勝出。港姐出身的翠翠表示難得有機會玩遊戲,故此玩時盡力投入,相當過癮。

唔會去相睇

即將來臨的情人節兼年初一,問到翠翠如何度過?她苦笑說:「一個人去混吉囉,同屋企人過,有情人梗係好,但係我冇,趕唔切、搵唔到呀!」
翠翠直言好男仔買少見少,一切感情隨緣,但見到別人一雙一對,翠翠坦言戥有另一半的朋友開心。問到會否相睇?翠翠笑說:「好男仔好難識,唔會相睇,緣份好奇妙,所以我都唔會太心急。」

羅仲謙認衰

羅仲謙參與一向守時的嘟嘟姐節目竟遲到,難怪他趕到時連聲道歉,一埋位立即認真對稿,他一臉不好意思說:「因為之前做嘢有少少遲咗,我都知衰立即saysorry。」
採訪:楊潔雯
攝影:陳順禎

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載