› 選擇地區
三藩市
紐約
洛杉磯
其他美國地區
香港 台灣 北美
 
2010年05月08日

馮仁昭四圍超:黃泆潼甩拖唔憂冇人吼 - 馮仁昭

廿四味成員阿肥同黃泆潼拍拖5年,近日盛傳已經分手。資料圖片

近年以MissYellow個名進身DJ打碟行列嘅黃泆潼,同廿四味成員阿肥(陳偉雄)拍拖5年一直好哋哋,就算黃泆潼先後俾傳媒影到佢背住阿肥着三點式同男性朋友去嬉水,又或者同老外夜蒲兼俾老外掃玉背,都無礙佢哋兩個情侶關係,仲不時有影皆雙出席活動。
不過,馮仁昭最近收到風,話黃泆潼同阿肥已經散咗,雖然唔知佢哋真正分手原因係乜,但難免令人聯想到同黃泆潼曾俾人影到媾仔嘅事有關。

提分手躁爆

噚日馮仁昭打電話向黃泆潼求證同阿肥分手一事,佢聽到之後諗咗幾秒,然後既冇否認亦冇承認,只係好平靜咁話:「啊……我冇嘢講。」馮仁昭話佢如果回復單身冇人知嘅話,可能會影響到佢結識其他異性朋友嘅機會,但黃泆潼好老定咁話:「唔使驚,我唔擔心。」同阿肥係咪再見亦是朋友?黃泆潼開始有啲唔耐煩咁話:「唔知,你問佢啦,私人嘢我唔講啦!」黃泆潼心情咁差,莫非同分手事件有關!

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載