› 選擇地區
三藩市
紐約
洛杉磯
其他美國地區
香港 台灣 北美
 
2010年05月20日

過氣情敵恨做爸爸
小春眼紅鋒芝勤生仔

陳小春與鄭伊健主演的電影《飛砂風中轉》前晚舉行首映禮,小春舊愛張栢芝的丈夫謝霆鋒低調捧場,到場即拿手機大晒初生兒子Quintus的照片。幸好小春已有愛妻應采兒,故可大方稱讚過氣情敵生兩個仔相當威,又坦承恨生仔。

陳小春、鄭伊健和葉璇主演的新片《飛砂風中轉》前晚在會展舉行首映禮,農夫成員C君、劉浩龍及曾國祥都有到場,謝霆鋒與陳奕迅(Eason)低調捧場。

霆鋒大晒細仔靚相

霆鋒雖不接受訪問,但在後台拿出手提電話開心地向友人展示初生兒子Quintus的照片,又扮兒子的可愛表情,後來Eason接受訪問,表示沒有去探望BB,他說:「霆鋒有畀相我睇呀!」
作為栢芝的舊情人、霆鋒的過氣情敵,陳小春現與老婆應采兒非常恩愛,故被問到是否羨慕霆鋒生兩名兒子,小春大方說:「正常都羨慕啦,佢咁叻,一生生兩個仔,生多兩個女仲好㖭!」何時輪到小春做老竇?他笑說:「聽晚囉!」有人笑指「造人」也不是馬上能生,小春笑說:「做都要有時間o架,唔係講就生到o架,我係想生仔,唔係結婚嚟做乜?」

葉璇享受揑小小春

小春談到在戲中被葉璇揑下體的戲份,他笑謂已向老婆備案,又說:「佢今日唔喺香港呀。」
葉璇表示揑到的只是小春裝在褲襠的紙巾,因此並不尷尬,她笑說:「小春蝕底啲,我着數o架,希望導演畀多幾場呢啲戲我拍,等我享受吓啦!」
伊健被問到前女友梁詠琪早前甩拖,他似不知情說:「係咩?」問他可會問候舊情人?他說:「睇有冇機會啦!」他承認二人甚少聯絡,並說:「做嘢都冇乜撞過,佢好少喺香港工作,我會祝福佢。」
採訪:張俊銘 攝影:陳慧安

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載