› 選擇地區
三藩市
紐約
洛杉磯
其他美國地區
香港 台灣 北美
 
2010年06月18日

歷人生低潮險辭演新劇
鍾嘉欣失眠三月瀕崩潰

鍾嘉欣透露早前受失眠困擾三個月,搞到情緒低落,幸好現已康復,心情也好轉。

在無綫新劇《蒲松齡》中,鍾嘉欣再度與馬浚偉和陳法拉合作,難得與兩位老友碰頭,理應心情輕鬆。誰知嘉欣被失眠困擾,更演變成人生最低潮,最痛苦的時間曾經想過辭演該劇,只是怕連累其他演員才打消念頭。

重提當日拍無綫新劇《蒲松齡》的日子,鍾嘉欣日前在電視城接受專訪,表示因失眠變成人生最低潮,最痛苦的時間曾經想過不做,她說:「原來有啲嘢係唔需要引發,嗰陣我係完全冇壓力,不過唔知乜嘢原因失眠咗三個月,搞到狀態非常差。」

馬仔幫手捽腳

低潮時,鍾嘉欣痛苦不堪,曾經找不同醫生診治,她說:「我睇咗好多唔同嘅醫生,但我唔想食安眠藥,又唔可以請假,惟有死撐,加上角色又好悲,幾乎場場都要喊,最後去到覺得身體上支持唔到自己再拍落去,嗰陣我有諗過唔做,但係呢齣劇唔係得我一個,冇理由為咗一個人而影響,所以死撐住拍晒佢。」
當時嘉欣受失眠困擾,不少朋友先後開解她和尋找良方,她說:「唔止馬仔(馬浚偉)同法拉,身邊好多人都好想幫我,好似成日幫我捽腳同捽頭,但去到攰到唔喺呢個狀態,自己都冇力到唔想出聲,返工都要人哋扯我先得,家諗番都幾恐怖。」
那麼嘉欣最後怎解決這問題?她說:「最後因為要開另一齣劇,佢哋畀咗我10日假休息,我媽咪又即刻返嚟陪我去旅行散心,慢慢咪好番。」有否留下陰影?嘉欣笑說:「咁又冇,但今次係一個好好嘅人生經驗。」
採訪:何慧斯 攝影:陳順禎

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載