› 選擇地區
三藩市
紐約
洛杉磯
其他美國地區
香港 台灣 北美
 
2010年06月20日

法拉帶男友見家長
爹哋唔再呷醋

陳法拉一直被傳已經和男友薛世恒結婚,不過她只承認男友已見過父母。

昨日天氣放晴,一班無綫新劇《蒲松齡》的演員包括馬浚偉、鍾嘉欣、陳法拉及姚子羚等,齊齊到油塘邨某中學宣傳,幾位靚女不約而同穿上短褲短裙示人,狂騷美腿。
談到今日父親節,問到法拉是否帶同傳聞中的老公,Neway太子爺薛世恒見家長作為禮物?她聞言即說:「最好唔好。」法拉又踢爆當年大學帶男友見爹哋時,爹哋總是以報紙遮面,又彈三彈四,直認爹哋呷醋,那麼現任男友有否見過她的爹哋?法拉表示:「見過,不過爹哋冇遮樣,又唔出聲,我諗佢心中有數。」再追問是否好事近?法拉強調要看狀態及安排而定,繼續否認已婚傳言。

嘉欣否認戀馬仔

日前幾位主角接受《今日VIP》訪問時,主持吳家樂踢爆嘉欣暗戀馬仔,另外又有傳聞指馬仔和法拉夾計「蝦」嘉欣,是非緋聞一籮籮。對此嘉欣說:「暗戀馬仔?絕對冇可能,佢哋話我抽離唔到角色,但現實中我抽離得好好。」她又強調各人相處融洽。
採訪、攝影:卓寶花

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載