› 選擇地區
三藩市
紐約
洛杉磯
其他美國地區
香港 台灣 北美
 
2010年08月09日

佈景板排中間條氣順晒
葉童扭計 劉松仁坐歪

劉松仁和葉童都是好戲之人,在記者會上笑晒口合照,絕不會難倒他們。

【深圳直擊】無綫新劇《摘星之旅》今晚播映,眾演員昨日現身深圳宣傳,之前傳不和的劉松仁及葉童大方合照,表面似冰釋前嫌,不過事後葉童自爆因不滿在宣傳片中甚少她的鏡頭,曾向監製撒嬌,表示不想出席宣傳活動,幸好來到現場見佈景板上自己排中間,才順番條氣。

林峯、黃宗澤(Bosco)、劉松仁、葉童及梁靖琪(Toby)等主演的無綫新劇《摘星之旅》,今晚首播,昨日眾演員到深圳觀瀾湖高爾夫球場泳池出席宣傳活動,吸引不少內地市民圍觀。

「差啲唔想上嚟」

之前劉松仁及葉童合作拍此劇時傳不和,葉童批評劉松仁擅改劇本及擺款,昨日現場見兩人大方合照似是冰釋前嫌,葉童受訪時重提不和事件,她若有所指謂:「我當佢好似哥哥咁,只要尊重佢少少,佢就好照顧自己,但係我又好反叛,好易就黑面同面左左,感覺好似小別勝新婚咁。」葉童又坦言曾想過缺席昨日活動,她說:「我睇電視宣傳片,好少自己嘅鏡頭,真係唔開心,我咪同監製詐嬌,差啲唔想上嚟,不過嚟到見到佈景板自己個樣喺中間,咁先下番啖氣。」

林峯爭女輸蝕

劇中Bosco不但首次演奸角,他更要和林峯爭女擘面,Bosco說:「我真係擔心俾佢啲fans打,不過又怕做奸角喺街度冇人鬧,咁即係自己做得唔好。現實中未試過爭女,如果對手係林峯,我實知難而退,我身家唔夠佢厚,樣又唔夠佢得,真係要撼頭埋牆。」拍此劇時Bosco和Toby以及其他女角傳緋聞,Bosco笑言林峯要請他食飯感謝,因他「一個食晒三個」。林峯則表示:「佢有好多嘢好過我,好似着衫風格唔同,佢carry到我就唔得。」林峯自稱當日要趕拍此劇,又要準備首次演唱會,險些令自己有精神病。
採訪、攝影:曾小嘉

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載