› 選擇地區
三藩市
紐約
洛杉磯
其他美國地區
香港 台灣 北美
 
2010年08月13日

鄧麗欣、傅穎冇眼睇
餅碎開騷咪嘴口都唔郁

餅碎於音樂會上唱出多首Cookies歌曲,但不是慢半拍就是甩嘴,Helena尤甚。

Cookies四餅碎Angela、Elaine、Helena以及Gloria前晚在九龍灣舉行音樂會,四人中除了Angela的歌藝比較穩定,其餘三餅唱歌不夠氣之餘更走音,咪嘴上陣還有時連嘴都不郁。

餅碎區文詩(Angela)、何綺玲(Elaine)、馬思恒(Helena)及陳素瑩(Gloria),前晚在九龍灣舉行「曲奇Happy2gether音樂會」,吳雨霏、楊愛瑾及蒲茜兒(Serena)撐場,至於鄧麗欣(Stephy)及傅穎(Theresa)則沒有現身,但二人均有拍短片為前隊友打氣。

伴唱聲過大

不過餅碎的歌藝十分麻麻,Helena整晚唱歌慢半拍,有時連嘴都不郁,獨唱《IAmNotAshamed》時甩嘴又走音,再唱《YouRaiseMeUp》時索性播帶咪嘴,事後問Helena為何咪嘴?她說:「我係唱加咪,因為7年冇唱過歌,好緊張。」至於Gloria演繹《如果你有事》時,伴唱底聲相當大,她於台上說:「今次係我第二次唱live。」

不和似颱風

對於Stephy人不到之餘又不送花,Angela指Stephy去了內地拍劇,應不記得訂花,不過Stephy在微博為她們打氣。
早前Theresa表示沒有被邀請,Angela說:「我係經公司sendemail畀佢公司,我冇佢電話,總之不和呢個傳聞就好似颱風咁,風眼入邊好平靜,喺出邊就橫風橫雨。」
採訪:李珮洳 攝影:陳俊強

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2020 AD Internet Limited. All rights reserved. 版權所有 不得轉載