› 選擇地區
三藩市
紐約
洛杉磯
其他美國地區
香港 台灣 北美
 
2010年09月14日

《3D肉蒲團》剝盡未夠
雷凱欣認打Botox變美人

女星個個貪靚,就算被發現變臉都堅持是女大十八變。36F巨奶的雷凱欣最近被發現神奇變臉,尖下顎和挺直鼻樑尤其明顯,她昨日直認在臉頰、下顎和鼻樑等位置打了約8針的botox改善容貌,配合三點盡露接拍3D三級片《3D肉蒲團之極樂寶鑑》,誓要一脫成名。

下月底便27歲的雷凱欣,為博反彈,近日接拍蕭定一投資開拍全球首套3D三級片《3D肉蒲團之極樂寶鑑》,最初只肯露兩點的她近日忽然改變主意,索性三點盡露,實行硬撼全裸上陣的英皇前藝人、內地女星藍燕。兩女齊齊以3D裸體現銀幕,相信必會為觀眾帶來另一番視覺新感覺。

「真係會上鏡啲」

擁36F導彈的雷凱欣,近年越大越靚女,變臉技巧改裝下變得更上鏡,她在2000年參加有線電視YMC台的VJ選舉摘下亞軍,先入行做VJ,10年人事幾番新,她最終踏上脫星之路,希望一脫成名。雷凱欣近日的臉容跟初出道時相比,變化相當大,她不但包包臉變尖下顎,最明顯是鼻樑變得特別挺直,據知她變臉秘密是狂打botox,所以成效快捷又明顯。
女大十八變惹來整容疑雲,雷凱欣昨日在電話訪問中大方直認說:「係呀,我近排打咗botox,好多謝阿一(蕭定一)嘅鼓勵,本來我冇打算打,但《肉蒲團》嘅角色係一個古代美女,如果面形各方面配合,真係會上鏡啲,我希望大家睇到我為部戲,付出好大勇氣同努力。」

「打咗7至8針」

雷凱欣續說:「因為時間緊迫,我同時喺臉頰、下巴同鼻樑呢幾個部位打咗約7至8針,仲要喺一、兩日內完成,家塊臉真係變長咗同尖咗,我覺得自己女人味多咗。其實我覺得打botox都唔係啲乜嘢,又唔係做手術開刀,我講出嚟,係想同大家分享一吓。」雷凱欣指打botox危險性不高,打針前也徵得雙親同意。至於同片的藍燕,近日借與唐季禮的舊情上位,其樣貌也非常人工化,跟早年闊臉有頗大分別。
採訪:比華利

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載