› 選擇地區
三藩市
紐約
洛杉磯
其他美國地區
香港 台灣 北美
 
2010年09月14日

公主驕語第四話
崔太妃內軟外硬 謝雪心治刁蠻公主靠誇

謝雪心在《公主嫁到》棄奸從良,扮演痛錫公主的崔太妃。

攝影:林德雄
化妝、髮型:KathyLam(CIAOBELLA)
場地提供:SantaLuciaRestaurant

妃子角色有難度,謝雪心在《公主嫁到》中所飾演崔太妃毋須呼風喚雨,卻要做到不怒而威,雖然沒有置身金家胡鬧生活,不過在深宮內苑一樣被刁蠻公主佘詩曼激到氣咳,面對眾多搞笑場面,心姐要保持「在最斯文地方,做最誇張演繹。」比起演奸妃八面玲瓏更有深度。
撰文:卓寶花

謝雪心擔演太妃角色多不勝數,去年在《宮心計》中以奸到出汁的太后角色跑出,今年捲土重來在《公主嫁到》飾演崔太妃,與飾演昭陽公主的佘詩曼和永河公主陳敏之對手戲居多,心姐既要擔當賢內助,又要以慈母心出發,但對着刁蠻公主束手無策,好不容易才將刁蠻公主嫁到金家,結果釀成連串鬧劇。
心姐所演的崔太妃處處為公主着想,心姐說:「我講乜佢哋都要聽,真係苦口婆心o架,戲裏面我係一個慈母,所以阿佘講到自己好悽慘,我又信到十足,喺我面前不但刁蠻,仲會成日用喊功,慘情去軟化我,等我唔好鬧佢,我就耳仔軟,所以好多深宮內苑戲都俾刁蠻公主搞到我氣咳。」

角色有得發揮

另一由陳敏之飾演的永河公主則受崔太妃所寵壞,黑心又霸道,最終落得被貶為庶民的下場,令心姐極度心痛,她說:「永河變得失心瘋,我希望用親情感化佢,拋低榮華富貴同佢一齊出宮,去靜苑靜修。」
刁蠻公主佘詩曼嫁入金家後,加上與駙馬陳豪擦出火花,即爆發出連串笑彈,每晚令觀眾睇到捧腹大笑,不過心姐這位崔太妃則無緣參與,她說:「我同金家冇乜碰頭戲,佢哋個個都可以加好多搞笑元素,玩得好癲,但我喺宮中嘅戲就唔可以癲,但又要配合,所以當時好難做,要喺最斯文地方,做最誇張演繹。」對比飾演奸角,心姐有不同感受,她說:「我都想講啲人成日話奸先有發揮,其實唔係忠奸問題,只係角色問題,今次趣劇中有個呢啲角色都幾得意。」

難忘愛心咖啡

心姐表示拍《公》劇時,面對的劇情有笑有淚,與一眾後輩合作十分融洽,更難忘陳豪的愛心咖啡,她說:「最開心係大家拍到攰攰哋時,陳豪每晚都會帶唔同咖啡返嚟親自冲畀大家飲,佢好乖,知我鍾意飲滑啲香啲咖啡,就每晚整杯我嘆,後期我哋隔籬廠開另一套劇都晚晚過廠,去笑吓享受吓。」心姐又希望《公》劇搞笑元素可以為觀眾帶來正能量和歡樂。

笑聲之最
最好笑同劇男演員 阮兆祥

「阮兆祥演搞笑角色係不可置疑,佢好有搞笑細胞,加上劇中佢哋幾兄弟都花咗好多功夫鑽研,要令觀眾有共鳴,要人笑得出,祥仔絕對做到。」

最好笑同劇女演員 佘詩曼

「阿佘今次演得好好,同過往演古裝好大分別,刁蠻得嚟唔令人生厭,仲做到可愛一面,包括表情同講對白都好生動,自己睇番都笑。」

最好笑自己演出的一幕 同大公主鬥大

「有場戲永河公主失心瘋,所有人都駕馭唔到佢,我以癲制癲。佢一味話自己大,我就話:『我髻又大時眼又大,你邊處夠我大大大』,場面好搞笑。」

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載