› 選擇地區
三藩市
紐約
洛杉磯
其他美國地區
香港 台灣 北美
 
2010年10月06日

馮仁昭四圍超:阿嬌守護Edison欲拒還迎 - 馮仁昭

鍾欣桐(阿嬌)噚日同汪圓圓、AnaR.、黃婉曼等喺銅鑼灣出席雜誌舉辦嘅品牌大賞頒獎禮,阿嬌一嚟到就話自己條頸硬晒,佢話因為之前拍戲整親,睇醫生話佢生咗骨刺,家要針灸嚟醫治,佢話坐低要用頸箍,休息時就要用頸枕㖭。

了解舊愛踢爆A貨

講到前一日佢同英皇人員喺微博揭穿一個假扮陳冠希(Edison)嘅人,仲唔畀英皇人員同呢個Edison做朋友,後來仲將啲留言鏟晒,阿嬌話:「我只係話畀同事聽嗰個人係假嘅,因為嗰個人add埋啲人好奇怪,同埋佢(Edison)點會識中文。」阿嬌話唔知Edison有冇微博,但又話:「嗰個微博小秘書都求證咗佢冇微博o架。」

越講越亂發晒

阿嬌呢頭喺微博咁關注Edison嘅嘢,但轉頭佢就面容扭曲猛話唔想提,被問到Edison復出將派歌上台,問佢有冇聽過Edison首新歌?阿嬌唔耐煩咁話:「我唔想知,咪復出囉!幾好呀,我自己好耐冇聽歌。」不過話口未完阿嬌又話好鍾意劉若英首《我們沒有在一起》,咁係咪要送畀Edison聽先?阿嬌即發話:「你哋唔好插嘴,我仲有好多嘢想講,你哋唔好問呢啲啦。」
同場汪圓圓低胸上陣,佢話自己好花心機喺扮靚方面,之前因為工作壓力大,搞到皮膚好差,爛面搞到好傷心,咁揀對象係咪首選皮膚靚嘅人?汪圓圓話:「相處舒服就得,最緊要溝通到。」

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載