› 選擇地區
三藩市
紐約
洛杉磯
其他美國地區
香港 台灣 北美
 
2010年10月13日

怕得失龍友
汪圓圓遭影胸唔敢避

汪圓圓視發哥為偶像,期待與他拍戲。

郭晶晶慘被紅外線透視偷拍事件,令一向擅長打底的本地名模都為之恐慌。汪圓圓自認打底意識強,但龍友fans將她打底衫、聚焦胸部的相片放上網,卻又不敢避開拍攝;周汶錡直言再加乳貼、防走光都沒用。

周汶錡(Kathy)、汪圓圓和何傲兒等,昨日在中環出席瑞士腕錶Bedat&Co.活動,眾人穿上本地設計師WalterMa晚裝,性感現身。

上網睇到面紅

汪圓圓出場時,名字多次被司儀陳霽平叫錯為「關婉婉」、「江婉婉」,不過她說:「我冇留意聽,唔緊要啦,我估佢冇心嘅。」郭晶晶慘被紅外線透視偷拍事件,令一向全力做足安全措施的名模明星,再受威脅。汪圓圓謂自己做model,一向有打底意識,但現時不知可有效用,她說:「Ohmygod,係女仔都驚,打底一向有,不過做騷時,360度都有人影,有時上網睇番啲龍友影我嘅相,focus喺胸部,有時啲打底衫都影埋,睇完都面紅,好尷尬!」
汪圓圓謂不想避開fans鏡頭:「佢哋係鍾意我先影,唔可以避。」有指她將參演周潤發和姊夫甄子丹拍攝的3D新片《大鬧天宮》,飾演仙子,她說:「我都好想拍,3D係新嘗試,我想同發哥合作,佢係我偶像,我仲學佢扮賭神,聽骰盅同郁耳仔。」

Kathy呼恐怖

Kathy性感deepV紅裙到場,問她今後會否再多加乳貼護身?她說:「加乜都冇用啦,唔係着衫暴唔暴露喇,行騷之外,生活上好似做運動,都係保護唔到自己,幾恐怖,唔想發生喺自己同任何人身上。」Kathy更大呼恐怖:「真係好擔心!啲人影完仲放上網,唔應該!要繩之以法!」
採訪:JessicaNgan 攝影:RickyIp

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載