› 選擇地區
三藩市
紐約
洛杉磯
其他美國地區
香港 台灣 北美
 
2010年11月05日

馮仁昭四圍超:亞姐玩狗忘形露Bra - 馮仁昭

(左起)1號陳明月、7號娜塔妮亞.卡娜斯娃、8號維他.芝寶斯嘉及2號何婭一見狗狗就表現興奮。

被視為弱台嘅亞視唔知係唔係冇乜人可以幫手做宣傳,所以就趁家選亞姐嘅大好時機,就地取材搵班候選亞姐做埋宣傳人員,亞視最近有套韓劇《敗犬男大聯盟》播緊,噚日搵咗戚黛黛、姜皓文同埋蔡國威加埋佢哋屋企隻狗去大埔亞視總台一齊宣傳,蔡國威隻狗一出嚟就俾班亞姐狂玩,成班女仔鬼咁興奮,尤其係班港澳特區佳麗,着住低胸、短褲開心到唔記得乜嘢叫儀態,俯身踎低係咁摸狗,反而班海外佳麗個個都好小心,就算想影相都用手遮住個胸。
4號祁翼就最張誇,着低胸衫玩狗玩到忘晒形,連個紫色胸圍都露埋出來,事後佢用普通話:「興奮呀!我很喜歡狗,但是沒有養。」其間祁翼拖住黑仔嘅金毛,結果俾隻狗拖番轉頭,不過佢仍然堅持話:「我都是想養大狗,很漂亮很有性格,牠們自小跟着你就會很聽話。」

着短褲踎低核突

5號閔蘭着住短褲踎低好核突,之後佢同大家講對唔住,佢用英文話:「對不起!可能我太興奮喇!加上我掛住家中的狗狗,見到牠們,我就想起我的狗,牠是一隻英國馬爾他犬!」

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載