› 選擇地區
三藩市
紐約
洛杉磯
其他美國地區
香港 台灣 北美
 
2010年11月05日

多仔追 叻到飛
周麗淇唔捧嘉穎攞視帝

當年周麗淇與鄭嘉穎合作《最美麗的第七天》時甜蜜不已。劇照

兩年前周麗淇受鄭嘉穎情傷,情緒跌墮谷底,但時間是傷痛治療劑,如今她重提舊愛淡然,明捧林峯、黎耀祥做視帝也不撐嘉穎;她又憑歌寄意訴說人生蛻變,現在的她有仔追,更懂愛,又自由,有心又有力,曉飛㖭啦。

近日有傳《義海豪情》監製李添勝正籌備明年開拍民初愛情劇,欲邀周麗淇(Niki)和鄭嘉穎這對過氣戀人主演,但其後為免尷尬而飛起男方。日前Niki在銅鑼灣接受訪問時,表示接劇仍未落實,但不介意與嘉穎再續戲緣。

願意再合作

Niki說:「其實係睇添哥頭,同邊個合作我冇權選擇,我最緊要做好角色。」若跟嘉穎合作,她絕不sayno:「抗拒又有新聞o架啦,俾人話你明明話拍家又唔拍,唔可能囉。」假使要和被傳是第三者的佘詩曼合作她也無所謂:「仲有好多人我未合作過,最緊要劇本同監製,遇到好演員就OK。」
《公主嫁到》的阿佘和《義海》的鄧萃雯俱是台慶頒獎禮視后大熱,問Niki看好哪位?她說:「我未真正睇過電視劇,冇得判斷邊個好,我相信攞得嘅會係實至名歸。」據悉嘉穎會憑《鐵馬尋橋》角逐視帝,Niki卻說:「聽聞noise係林峯同祥仔,佢兩個同埋阿佘、雯女我都欣賞,最好四個攞晒,大團圓結局。」
Niki明年拍劇,下周她會先出新碟《F.L.Y.》,概念來自她的經歷,她說:「可以講當蛻變,圍繞人生由出世到家嘅好多事情、物件都會倒數,有緣盡一日,人到底想追求乜?F,freedom;L,love;Y,young,年輕,係心境保持有心有力。人生包含呢三個元素會fly,好似曉飛咁,好自由,無拘無束,呢個係我幾認同嘅講法。」

死不認拍拖

Niki與嘉穎早已緣盡,問她現在有否追求者?她笑說:「好多,講笑啫,都有,咁好正常,一個女仔未結婚,出吓街食吓飯梗有。」她直言若真的拍拖,一定死口唔認:「我唔想將別人意見或者八卦嘢加喺兩個人之間,得就得、唔得就唔得,都冇怨言呀。」
採訪:丁寧
攝影:陳慧安

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載